மயிலாடுதுறையில் இஸ்லாமிய பெண்கள் அமைப்பு சார்பில் ஆர்ப்பாட்டம்

மயிலாடுதுறையில் அனைத்து இஸ்லாமிய இயக்கங்களின் கூட்டமைப்பு மற்றும் ஜமாஅத் கூட்டமைப்பு சார்பில், கர்நாடகாவில் முஸ்லீம் மாணவிகள் ஹிஜாப் அணிய தடைவிதிக்க கர்நாடக உயர் நீதிமன்றத் தீர்ப்பை கண்டித்து மாபெரும் கண்டன ஆர்ப்பாட்டம் நடத்தினர்.

மயிலாடுதுறை சின்னக்கடைத் தெருவில் நடைபெற்ற ஆர்ப்பாட்டத்துக்கு, அனைத்து இஸ்லாமிய இயக்கங்களின் கூட்டமைப்பின் தலைவர் அப்துல் சாதிக் தலைமை வகித்தார். ஆர்ப்பாட்டத்தில் பெண் விடுதலை இயக்கம் சபரிமாலா, விமன்ஸ் இந்தியா மூவ்மெண்ட் மாநில செயற்குழு உறுப்பினர் தஸ்லிமா செரீப், தமிழ்நாடு முஸ்லிம் மகளிர் பேரவை மாநில பொருளாளர் ஷான்ராணி உள்ளிட்டோர் கண்டன உரையாற்றினர். ஆர்ப்பாட்டத்தில் பெண்கள் உள்பட 2000த்துக்கும் மேற்பட்டோர் பங்கேற்றனர்.