பூம்புகார் தொகுதி திமுக வேட்பாளர் வாக்கு சேகரிப்பு

பூம்புகார் தொகுதி திமுக வேட்பாளர் நிவேதா முருகன் திறந்த வாகனத்தில் தேர்தல் பிரச்சாரம் மேற்கொண்டார்.

மயிலாடுதுறை மாவட்டம் பூம்புகார் தொகுதி திமுக வேட்பாளரும் நாகப்பட்டினம் வடக்கு மாவட்ட பொறுப்பாளருமான நிவேதா முருகன் இன்று பூம்புகார் தொகுதி பொதுமக்களை நேரில் சந்தித்து வாக்கு சேகரிப்பதற்காக செம்மை ஒன்றியம் கஞ்சாநகரம், மேலையூர், கருவாழக்கரை, நடுக்கரை, கீழையூர் உள்ளிட்ட ஊராட்சிகளில் சூறாவளி பிரச்சாரத்தை திறந்த வாகனத்தில் தொடங்கினார். பொதுமக்கள் பட்டாசு வெடித்தும், வழி நெடுகிலும் பொன்னாடை அணிவித்து உற்சாகமாக வரவேற்றனர்.

மேலும், தேர்தல் வாக்குறுதிகள் அடங்கிய துண்டுப் பிரசுரத்தை திமுக கூட்டணி கட்சியினர் வழங்கினர். கடந்த திமுக ஆட்சியின் சாதனைகள், திட்டங்கள் குறித்தும் பிரச்சாரம் செய்யப்பட்டது. உதயசூரியன் சின்னத்தில் வாக்களித்து பெருவாரியான வாக்கு வித்தியாசத்தில் வெற்றிபெற செய்ய வேண்டும் என்றும் கேட்டுக் கொண்டனர். இதில் கூட்டணி கட்சிகளான விடுதலைசிறுத்தைகள் கட்சி, கம்யூனிஸ்ட் கட்சிகள், காங்கிரஸ், உள்ளிட்ட தோழமை கட்சியின் நிர்வாகிகள், தொண்டர்கள் ஏராளமானோர் கலந்துகொண்டு உதயசூரியன் சின்னத்திற்கு வாக்கு கேட்டவாறு சென்றனர்.