டெல்லி பல்கலைக்கழகத்தில் தமிழ் பேராசிரியர் காலியிடங்கள் நிரப்பப்படும்

டெல்லி பல்கலைக்கழகத்தில் தமிழ்ப் பேராசிரியர் காலியிடங்கள் நிரப்பப்படும் என்று எம்.பி. வெங்கடேசன் கடிதத்திற்கு அமைச்சர் பதில் எழுதியுள்ளார்.

டெல்லி பல்கலைக்கழகத்தில் பேராசிரியர் காலியிடங்கள் நிரப்ப படாமல் இருப்பது குறித்து 21 -12 -2021 ஒன்றிய கல்வி அமைச்சருக்கு மதுரை எம்.பி. வெங்கடேசன் அவர்கள் கடிதம் எழுதியிருந்தார் .

அதற்கு மத்திய கல்வி இணை அமைச்சர் முனைவர் சுபாஷ் சர்க்கார் 11- 3 -2022 தேதியிட்ட கடிதம் (D.O NO 62-6/2019-CU II) வாயிலாக பதிலளித்துள்ளார்.

டெல்லி பல்கலைக்கழகம் நாடாளுமன்ற தனி சட்டம் மூலம் உருவாக்கப்பட்டது. டெல்லி பல்கலைக்கழக சட்டம் 1922 மற்றும் அதன் கீழ் கொண்டு வரப்பட்டுள்ள சட்ட/ அவசர சட்ட நியதிளுக்கு உட்பட்டு செயல்படும் அமைப்பு. அதன் முடிவுகள் அதன் செயற்குழு/ கல்விக்குழு/ மன்றம் ஆகியவற்றால் மேற்கொள்ளப்படுகிறது .என்று தெரிவித்துள்ளார் .

எம்.பி.யின் கடிதம் டெல்லி பல்கலைக்கழகத்தின் கவனத்திற்கு கொண்டு செல்லப்பட்டு உள்ளதாகவும், அதன் இந்திய நவீன மொழிகள் மற்றும் இலக்கிய கல்வித்துறையில்(Department of MIL& LS) தமிழ் சார் காலியிடங்கள் கீழ்க்கண்ட எண்ணிக்கையில் உள்ளன என தெரிவித்துள்ளார்.

உதவி பேராசிரியர் தமிழ்-1 (பொருளாதார ரீதியாக நலிவுற்ற பிரிவினர் EVS),

இணைப்பேராசிரியர்- தமிழ்-1 (பட்டியல் சாதி -sc)1 பொருளாதார ரீதியாக நலிவுற்ற பிரிவினர் -EWS),

இதர பிரிவு பிற்பட்ட பிரிவினர் -OBC) ஆகிய காலியிடங்கள் உள்ளன.

மேலும் தயாள் சிங் கல்லூரியில் ஒரு காலியிடம் உள்ளது.

இந்த காலியிடங்களை நிரப்புவதற்கான நடைமுறைகளை டெல்லி பல்கலைக்கழகம் தற்போது மேற்கொண்டு வருகிறது .என்று தெரிவித்துள்ளார்.

மத்திய அமைச்சருக்கு கடிதத்திற்கு மதுரை எம்.பி .வெங்கடேசன் நன்றி தெரிவித்துள்ளார்.