கெரிகேப்பள்ளியில் அறம் விதை அறக்கட்டளையின் மாதாந்திர கலந்தாய்வு கூட்டம்

கிருஷ்ணகிரி மாவட்டத்தில் இரத்த தான முகாம், மழை வாழ் குழந்தைகளுக்கு கல்வி உபகரணங்கள் வழங்கல், விபத்து மற்றும் பிரசவம் போன்ற அவசர தேவைக்கு இரத்ததானம் செய்வது, கிராம சாலை ஓரங்களில் மரக்கன்றுகள், பனை விதைகள் நடுவது, சாலையோர தூய்மைப்பணியில் ஈடுபட்டு அறம் விதை அறக்கட்டளையினர் சாதனை படைத்துள்ளனர்.

இந்நிலையில், மத்தூர் ஒன்றியம் கெரிகேப்பள்ளி ஊராட்சி ஒன்றிய தொடக்கப்பள்ளியில் அறம் விதை அறக்கட்டளையின் மாதாந்திர கலந்தாய்வு கூட்டம் நடைபெற்றது.

இதில் சிறப்பு விருந்தினராக பள்ளித் தலைமை ஆசிரியர் வீரமணி மற்றும் சமூக ஆர்வலர் ஆறுமுகம் கலந்து கொண்டு சிறந்த ஆலோசனைகளை வழங்கினார்.

பின்னர் ஆலோசனை வழங்கிய இருவருக்கும் அறம் விதை அறக்கட்டளையினர் நன்றிகளை தெரிவித்துக்கொண்டனர்.