கேல்ரத்னா, அர்ஜூனா விருதுகள் அறிவிப்பு

விளையாட்டுத்துறையில் சிறப்பாக செயல்படும் வீரர், வீராங்கனைகளை மத்திய விளையாட்டு அமைச்சகம் ஆண்டுதோறும் மேஜர் தயான்சந்த் கேல்ரத்னா, அர்ஜூனா விருதுகளை வழங்கி பெருமைப்படுத்தி வருகிறது. இந்த ஆண்டுக்கான விருது பட்டியலை மத்திய விளையாட்டு அமைச்சகம் வெளியிட்டுள்ளது. இதில் டோக்கியோ ஒலிம்பிக்கில் சாதித்தவர்களே அதிகமாக இடம் பிடித்துள்ளனர்.

விளையாட்டுத்துறையில் வழங்கப்படும் மிக உயரிய விருதான கேல்ரத்னா விருதுக்கு 12 பேர் தேர்வு செய்யப்பட்டு உள்ளனர். கேல்ரத்னா விருதுடன் ரூ.25 லட்சம் ரொக்கப்பரிசும் கிடைக்கும்.

மேஜர் தியான் சந்த் கேல் ரத்னா விருது:

நீரஜ் சோப்ரா (தடகளம்), ரவிக்குமார் (மல்யுத்தம்), லோவ்லினா போர்கோஹைன் (குத்துச்சண்டை), பிஆர் ஸ்ரீஜேஷ் (ஹாக்கி), அவனி லெகாரா (பாரா ஷூட்டிங்), சுமித் அன்டில் (பாரா தடகளம்), பிரமோத் பகத் (பாரா பேட்மிண்டன்), கிருஷ்ணா நகர் (பாரா பேட்மிண்டன்), ), மணீஷ் நர்வால் (பாரா ஷூட்டிங்), மிதாலி ராஜ் (கிரிக்கெட்), சுனில் சேத்ரி (கால்பந்து), மன்பிரீத் சிங் (ஹாக்கி).

அதே போல் அர்ஜூனா விருதுக்கு கிரிக்கெட் வீரர் ஷிகர் தவான், வாள்சண்டை வீராங்கனை சி.ஏ.பவானிதேவி, பாரா டேபிள் டென்னிஸ் வீராங்கனை பவினா பட்டேல் உள்பட 35 பேர் தேர்வு செய்யப்பட்டுள்ளனர். சென்னையைச் சேர்ந்த 28 வயதான பவானி தேவி, ஒலிம்பிக்கில் கலந்து கொண்ட முதல் இந்திய வாள்சண்டை வீராங்கனை.

அர்ஜூனா விருதுக்கு தேர்வாகியுள்ளவர்கள்

அர்பிந்தர்சிங் (தடகளம்), சிம்ரன்ஜித் கவுர் (குத்துச்சண்டை), ஷிகர் தவான் (கிரிக்கெட்), பவானி தேவி (வாள்சண்டை), மோனிகா, வந்தனா கட்டாரியா (இருவரும் ஆக்கி), சந்தீப் நார்வால் (கபடி), ஹிமானி உத்தம் பராப் (மல்லர்கம்பம்), அபிஷேக் வர்மா (துப்பாக்கி சுடுதல்), அங்கிதா ரெய்னா (டென்னிஸ்), தீபக் பூனியா (மல்யுத்தம்), தில்பிரீத் சிங், ஹர்மன்பிரீத் சிங், ருபிந்தர்பால் சிங், சுரேந்தர் குமார், அமித் ரோஹிதாஸ், சுரேந்திர லக்ரா, சுமித், நீல கண்ட ஷர்மா, ஹர்திக் சிங், விவேக் சாகர், குர்ஜந்த்சிங், மன்தீப்சிங், ஷம்சிர் சிங், லலித்குமார் உபாத்யாய், வருண் குமார், சிம்ரன்ஜித் சிங் (16 பேரும் ஆக்கி), யோகேஷ் கதுனியா, நிசாத் குமார், பிரவீன்குமார், ஷரத் குமார் (4 பேரும் பாரா தடகளம்), சுஹாஸ் யதிராஜ் (பாரா பேட்மிண்டன்), சிங்கராஜ் அதானா (பாராதுப்பாக்கி சுடுதல்), பவினா பட்டேல் (பாரா டேபிள் டென்னிஸ்), ஹர்விந்தர் சிங் (பாரா வில்வித்தை).

அர்ஜூனா விருதுடன் ரூ. ரூ.15 லட்சம் பரிசுத்தொகை வழங்கப்படும்.

விருது விழா வருகிற 13-ந்தேதி டெல்லியில் ஜனாதிபதி மாளிகையில் நடைபெறும் .