தொழிற் பேட்டையில் தீ விபத்து

கன்னியாகுமரி மாவட்டம் நாகர்கோவில் அருகே கோணம் பகுதியில் தொழிற்பேட்டை உள்ளது. இங்கு ஏராளமான சிறு தொழிற்சாலைகள் செயல்பட்டு வருகின்றன. இந்நிலையில் இந்த தொழிற்சாலையில் உள்ள மின்சார டிரான்ஸ்பார்மர் ஒன்று திடீரென வெடித்து சிதறியதில் 10 க்கும் மேற்பட்ட தொழிற்சாலைகளில் இருந்த மின்சாதன பொருட்களும் தீப்பிடித்து எரிந்தன,

இதுகுறித்து தகவல் தெரிவிக்க நாகர்கோவில் தீயணைப்பு நிலையத்திற்கு போன் செய்தபிறகும் தீயணைப்பு நிலையத்தில் யாரும் போனை எடுக்கவில்லை என கூறப்படுகிறது. இதனால் தொழிலாளர்களே தீயை அணைத்தனர். இந்த விபத்தில் ஒரு தொழிற்சாலையில் பணியாற்றிய வில்சன் 45 என்பவருக்கு பலத்த தீக்காயம் ஏற்பட்டது. இவரை தொழிலாளர்கள் மீட்டு அருகில் உள்ள தனியார் மருத்துவமனையில் சிகிச்சைக்காக அனுமதித்துள்ளார்.

மேலும் இந்த தீ விபத்தில் 10 க்கும் மேற்பட்ட தொழிற்சாலைகளில் இருந்த சுமார் 20 லட்சம் மதிப்பிலான மின்சாதனங்கள் எரிந்து சேதம் அடைந்துள்ளதாக கணக்கீடு செய்யப்பட்டுள்ளது. இதே போன்று அருகேயுள்ள உள்ள வீடுகளில் உள்ள மின்சாதன பொருட்களும் எரிந்து நாசம் அடைந்துள்ள நிலையில் இச்சம்பவம் குறித்து வழக்கு பதிவு செய்துள்ள போலீசார் விசாரணை மேற்கொண்டுள்ளனர். மேலும் மின்சார ஊழியர்களும் சம்பவம் இடம் வந்து மின்சாரத்தை சீர் செய்யும் நடவடிக்கைகளை மேற்கொண்டனர்.