சின்னசேலம் அருகே மொபட் மீது அரசு பஸ் மோதல்: விவசாயி சாவு

கள்ளக்குறிச்சி மாவட்டம், சின்னசேலம் அடுத்த பெருமங்களம், தெற்கு தெருவைச் சேர்ந்தவர் வைத்தியலிங்கம், 52; விவசாயி. இவரது மனைவி அனுராதா, 49; நேற்று மாலை இருவரும் சின்னசேலத்திலிருந்து பெருமங்களத்திற்கு டி.வி.எஸ்., மொபட்டில் சென்றனர்.

மொபட்டை வைத்தியலிங்கம் ஓட்டினார். நாட்டார்மங்கலம் ஏரி அருகே சென்றபோது, எதிரே சின்னசேலம் நோக்கிச் சென்ற அரசு பஸ் மொபட் மீது மோதியது.

இதில் சம்பவ இடத்திலேயே வைத்தியலிங்கம் உயிரிழந்தார். படுகாயமடைந்த அனுராதா கள்ளக்குறிச்சி அரசு மருத்துவமனையில் சேர்க்கப்பட்டார். கீழ்குப்பம் போலீசார் வழக்குப் பதிந்து விசாரித்து வருகின்றனர்.