5 மாவட்டங்களில் கனமழை: சென்னை வானிலை மையம்
பைல் படம் : நாமக்கல் மாவட்டத்தில் கனமழை! ஒரே நாளில் 465 மி.மீ. மழை பதிவு!
தமிழகத்தில் 5 மாவட்டங்களுக்கு கனமழை எச்சரிக்கை விடுக்கப்பட்டுள்ளது.
இதுகுறித்து சென்னை வானிலை மையம் வெளியிட்டுள்ள அறிக்கையில், வளிமண்டல கீழடுக்கு சுழற்சி காரணமாக கோவை மாவட்டத்தின் மலைப்பகுதிகள், தேனி, திண்டுக்கல், திருப்பூர், நீலகிரி ஆகிய 5 மாவட்டங்களில் ஓரிரு இடங்களில் பலத்த மழை பெய்ய வாய்ப்புள்ளது.
நேற்றிரவு சென்னை மட்டும் புறநகர் பகுதிகளில்ல இடி மின்னலுடன் கூடிய லேசான முதல் மிதமான மழை பெய்தது. மேலும் இன்று வானம் மேகமூட்டத்துடன் காணப்படும் என தெரிவிக்கப்பட்டுள்ளது.
தமிழ்நாட்டில் நேற்று ( சனிக்கிழமை ) வரை அதிகபட்சமாக தேனி மாவட்டம், தேக்கடியில் 100 மி.மீ. மழை பதிவானது. அதேபோல கன்னியாகுமரி மாவட்டம், களியல் 80மி.மீ மழையும் , திற்பரப்பு, பேச்சிப்பாறையில் தலா 60 மிமீ மழையும் பதிவாகியுள்ளது.
மேலும் லட்சதீவு பகுதிகளையொட்டிய தென்கிழக்கு அரபிக்கடல் பகுதிகளில் ஞாயிற்றுக்கிழமை சூறாவளிக் காற்று மணிக்கு 55 கி. மீ. வேகத்தில் வீசக்கூடும் என்பதால் மீனவர்கள் அந்தப் பகுதிகளுக்கு மீன்பிடிக்கத் செல்ல வேண்டாம் என தெரிவிக்கப்பட்டுள்ளது.
