லக்கிம்பூர் வன்முறை: விவசாயிகள் மீது காரை ஏற்றிய பாஜக தலைவர் கைது

உத்தரபிரதேசத்தின் லக்கிம்பூர் கெரியில் போராட்டத்தில் ஈடுபட்ட விவசாயிகள் மீது காரை ஏற்றிய பாஜக தலைவர் உட்பட மேலும் 4 பேர் நேற்று கைது செய்யப்பட்டனர்.

குற்றம் சாட்டப்பட்ட சுமித் ஜெய்ஸ்வால், சிசுபால், நந்தன் சிங் பிஷ்ட் மற்றும் சத்ய பிரகாஷ் திரிபாதி ஆகியோரை லக்கிம்பூர் கெரி குற்றப்பிரிவு போலீசார் கைது செய்து அவர்களிடமிருது உரிமம் பெற்ற ரிவால்வர் மற்றும் மூன்று தோட்டாக்கள் ஆகியவை கைப்பற்றப்பட்டன .

உள்ளூர் பாஜக தலைவர் சுமித் ஜெய்ஸ்வால், விவசாயிகளை நசுக்கிய வாகனங்களின் வாகனத்தில் இருந்து தப்பி ஓடியது வீடியோவில் காணப்பட்டது. முன்னதாக அவரது டிரைவர், நண்பர் மற்றும் இரண்டு பாஜக தொண்டர்கள் மீது விவசாயிகள் கல்வீசி தாக்கியதில் கார் கட்டுப்பாட்டை இழந்து விவசாயிகள் மீது ஏறியதாக புகார் செய்திருந்தார், .

அக்டோபர் 3 ம் தேதி நான்கு விவசாயிகள் மற்றும் ஒரு பத்திரிக்கையாளர் மீது மூன்று வாகனங்கள் மோதியது. அவற்றில் ஒன்று மத்திய உள்துறை இணை அமைச்சர் அஜய் மிஸ்ராவுக்கு சொந்தமானது. மிஸ்ராவின் மகன் ஆஷிஷ் அக்டோபர் 9 அன்று கைது செய்யப்பட்டார். விவசாயிகள் மீது ஏறிய வாகனத்தில் ஆஷிஷ் இருந்ததாக இறந்த விவசாயிகளின் குடும்பங்கள் குற்றம் சாட்டின. உச்ச நீதிமன்றத்தின் தலையீட்டிற்குப் பிறகு அவரை கைது செய்தனர்.

போராட்டக்காரர்கள் ஆஷிஷ் மிஸ்ராவின் கான்வாய் மீது தாக்குதல் நடத்தியதாக சுமித் ஜெய்ஸ்வால் கூறியிருந்தார். கார் நகரவில்லை என்றும், ஆர்ப்பாட்டக்காரர்கள் தான் காரை தாக்கியதாகவும் அவர் கூறினார்.