பழனியில் குவிந்த பக்தர்கள்: கொரோனா கட்டுப்பாடுகளால் திருப்பி அனுப்பிவைப்பு

இந்நிலையில், இன்று சித்ரா பவுர்ணமி என்பதால் ஏராளமான வெளியூர் பக்தர்கள் பழனிக்கு சாமி தரிசனம் செய்ய, காவடி எடுத்தும், தீர்த்தக்குடம் எடுத்தும் வந்திருந்தனர். மலைக்கோவிலுக்கு சென்ற பக்தர்களை, மலை அடிவாரத்திலேயே தடுத்து நிறுத்திய கோயில் பாதுகாவலர்கள், கொரோனா கட்டுப்பாடுகளை சுட்டிக்காட்டி, சாமி தரிசனம் செய்ய அனுமதி இல்லை என்று அவர்களிடம் தெரிவித்தனர்.

அத்துடன், பக்தர்களை மலையடிவாரத்தில் உள்ள பாத விநாயகர் கோவில் முன்பாக சாமி தரிசனம் செய்ய அனுமதித்துவிட்டு, அவர்கள் அனைவரையும் பத்திரமாக தங்களது சொந்த ஊர்களுக்கு செல்லுமாறு அதிகாரிகள் அறுவுறுத்தி அனுப்பி வைத்தனர். இதனால், வேறுவழியின்றி பக்தர்கள் ஏமாற்றத்துடன் திரும்பிச் சென்றனர்.