கார் - இருசக்கர வாகனம் மோதிய விபத்தில் 2 வாலிபர்கள் உயிரிழப்பு

தீபாவளி விடுமுறைக்கு கொடைக்கானலுக்கு சென்றுவிட்டு இருசக்கர வாகனத்தில் திரும்பிய போது கார் மற்றும் இருசக்கர வாகனம் நேருக்கு நேர் மோதிய விபத்தில் 2 வாலிபர்கள் சம்பவ இடத்திலேயே உயிரிழந்தனர். இவ்விபத்தில் ஒருவரின் உடல் மின்கம்பியில் தொங்கியதால் பரபரப்பு ஏற்பட்டத

.மதுரை பெருங்குடியைச் சேர்ந்த காமராஜ்( 20 ) மற்றும் அஜித்கண்ணன்( 20 )ஆகியோர் நண்பர்களுடன் இணைந்து தீபாவளி விடுமுறையை கொடைக்கானலில் கழித்துவிட்டு இன்று வீடு திரும்புவதற்காக கொடைக்கானலிலிருந்து இருசக்கர வாகனத்தில் அசுர வேகத்தில் வந்ததாக கூறப்படுகிறது.

அப்போது நிலக்கோட்டையை அடுத்து சிவன் கோவில் பகுதியில் ஆபத்தான வளைவு உள்ளதால் எதிர்புறம் சிவகங்கையிலிருத்து-பண்ணைக்காடு நோக்கிவந்த காரும் இருசக்கர வாகனமும் நேருக்கு நேராக மோதியது. இதில் காமராஜ்(20 ) இந்த விபத்தில் தூக்கிஎறியப்பட்டு மின்கம்பியில் பலியாகி தொங்கினார்.மேலும் அஜித்கண்ணன் சாலையிலேயே தலையில் அடிபட்டு பலியானார். தகவலறிந்த நிலக்கோட்டை காவல்துறையினர் சம்பவயிடத்திற்கு வந்து பிரேதங்களை கைப்பற்றினர், மேலும் விபத்தில் சிக்கிய கார் மற்றும் இருசக்கர வாகனங்களை காவல் நிலையத்திற்கு கொண்டு சென்றனர்.

மேலும் பலியான இருவரின் உடல்களும் நிலக்கோட்டை அரசு மருத்துவமனையில் உடற்கூராய்விற்காக வைக்கப்பட்டுள்ளது. நிலக்கோட்டை காவல்த்துறையினர் வழக்குப்பதிவு செய்து பலியான இளைஞர்களின் நண்பர்கள் மற்றும் கார் ஓட்டுனர் தர்மராஜிடம் விசாரணை மேற்கொண்டு வருகின்றனர்.