போராட்டத்தில் ஈடுபட முயற்சி: ஊராட்சி தலைவர்களுடன் அதிகாரிகள் பேச்சுவார்த்தை

கடலூர் மாவட்டம் பண்ருட்டி வட்டம் அண்ணா கிராம ஒன்றிய 42 ஊராட்சி மன்ற தலைவர்கள் கடந்த 8 மாதமாக ஊராட்சிகளுக்கு நிதி வழங்காததை கண்டித்து சட்டசபை முன்பு முற்றுகை போராட்டம் நடத்துவதற்காக செல்ல முயன்றனர்.

இதனை அறிந்த கடலூர் மாவட்ட எஸ்பி சக்தி கணேசன் உத்தரவுபடி, துணை காவல் கண்காணிப்பாளர் சபியுல்லா,ஆய்வாளர்கள் சந்திரன், அசோகன், நந்த குமார், ராஜதாமரை பாண்டியன் ஆகியோர் ஊராட்சி மன்ற தலைவர்களை தடுத்து நிறுத்தி சமாதானம் பேசினர்.

சம்பந்தப்பட்ட அதிகாரிகளுடன் பேச்சுவார்த்தை நடத்தி பிரச்சினைக்கு சுமுக தீர்வு காண உரிய நடவடிக்கை மேற்கொள்ளப்படும் என துணை காவல் கண்காணிப்பாளர் சபியுல்லா, வட்டாட்சியர் சிவா.கார்த்திகேயன் ஆகியோர் உறுதியளித்தனர்.

இதனால் சமாதானம் அடைந்த ஊராட்சி மன்ற தலைவர்களை மீண்டும் பண்ருட்டி வருவாய் வட்டாட்சியர் அலுவலகத்திற்கு அழைத்து பேச்சுவார்த்தை நடத்தினார். பேச்சுவார்த்தையில் பி.டி.ஒ.க்கள் சித்ரா, விஜயா உள்ளிட்ட அதிகாரிகள், அலுவலர்கள் கலந்து கொண்டனர்.