அண்ணா நினைவிடத்தில் முதல்வர் ஸ்டாலின் மரியாதை
அண்ணா நினைவிடத்தில் முதல்வர் ஸ்டாலின் மலர்வளையம் வைத்து அஞ்சலி செலுத்தினார். அருகில் அமைச்சர்கள் துரைமுருகன் , உதயநிதிஸ்டாலி, சேகர்பாபு உள்ளிட்டபலர்.
மறைந்த தமிழ்நாடு முன்னாள் முதலமைச்சர் அறிஞர் அண்ணாவின் 54-வது நினைவு தினம் இன்று அனுசரிக்கப்படுகிறது. அண்ணாவின் நினைவு தினத்தை ஒட்டி முதல்வர் ஸ்டாலின் தலைமையில் இன்று திமுகவினர் அமைதி பேரணி நடத்தினர். சென்னை வாலாஜா சாலையில் உள்ள அண்ணா சிலையில் இருந்து தொடங்கிய அமைதி பேரணி அண்ணா சதுக்கத்தில் நிறைவடைந்தது . இந்த பேரணியில் அமைச்சர்கள் , எம்.பி.,க்கள், திமுக முக்கிய நிர்வாகிகள், தொண்டர்கள் என பலரும் கலந்து கொண்டனர்.
பின்ன பேரறிஞர் அண்ணாவின் 54-வது நினைவு தினத்தை ஒட்டி மெரினாவில் உள்ள அவரது நினைவிடத்தில் முதலமைச்சர் ஸ்டாலின் மலர்தூவி மரியாதை செலுத்தினார். இந்த நிகழ்வின் போது அமைச்சர்கள் துரைமுருகன், உதயநிதி ஸ்டாலின், மா.சுப்பிரமணியன், பொன்முடி உள்ளிட்டோரும் மரியாதை செலுத்தினர்.
