ஓட்டேரியில் நடனமாடியவர்கள் தகராறு: இளைஞரை கத்தியால் வெட்டிய 2 பேர் கைது

சென்னை ஓட்டேரி தாசாமகான் 5வது தெரு பகுதியை சேர்ந்தவர் சர்புதீன் 25. மேளம் அடிக்கும் தொழில் செய்து வரும் இவர், நேற்று இரவு 11 மணி அளவில் ஓட்டேரி நியூ பேரன்ட்ஸ் ரோடு 4வது தெரு பகுதியில் தனது நண்பர்களுடன் மேலம் அடித்துக் கொண்டிருந்தார்.

அப்போது மது போதையில் வந்த இருவர் அங்கு வந்து நடனம் ஆடினர். அதற்கு சர்புதீன் அவர்களை ஆடக் கூடாது என்று வாக்குவாதத்தில் ஈடுபட்டார்.

அங்கு வந்த இரண்டு பேரில் ஒருவர், அருகிலிருந்த தனது வீட்டிற்கு சென்று மீன் வெட்டும் கத்தியை எடுத்து வந்து சர்புதினின் இடதுகை மற்றும் கழுத்தில் சரமாரியாக வெட்டினர்.

இதில் சர்புதீன் ரத்தம் சொட்ட சொட்ட சம்பவ இடத்திலேயே மயங்கி விழுந்தார். அருகிலிருந்தவர்கள் அவரை மீட்டு கீழ்ப்பாக்கம் அரசு மருத்துவமனைக்கு அனுப்பி வைத்தனர்.

சம்பவம் தொடர்பாக ஓட்டேரி போலீசார் வழக்குப்பதிவு செய்து ஓட்டேரி நியூ பேரன்ட்ஸ் ரோடு பகுதியை சேர்ந்த சுஹைல் 27 மற்றும் அதே பகுதியை சேர்ந்த பர்வீன் 27 ஆகிய இருவரையும் கைது செய்தனர். விசாரணையில் சுஹைல் என்பவர் தனது வீட்டில் இருந்து கத்தியை எடுத்து வந்து சர்புதீனை வெட்டியது தெரியவந்தது.

தொடர்ந்து போலீசார் இருவரிடமும் விசாரணை மேற்கொண்டு வருகின்றனர். சர்புதீன் உயிருக்கு ஆபத்தான நிலையில் சிகிச்சை பெற்று வருகிறார்.