திருவிக நகர் 76வது மண்டலத்தில் பாஜக வேட்பாளராக திருநங்கை போட்டி

அதிமுக கூட்டணியிலிருந்து பாஜக வெளியேறி தனியாக போட்டியிடுகின்றது. சென்னையிலுள்ள வார்டுகளுக்கு பாஜக சமீபத்தில் வேட்பாளர்களை அறிவித்தது.

அந்த வகையில் திருவிக நகர் தொகுதிக்கு உட்பட்ட 76 வது வார்டில் பாஜக சார்பில் திருநங்கை வேட்பாளராக அறிவிக்கப்பட்டுள்ளார். இவர் ராஜம்மாள் என்கின்ற ரதி வயது 40 . இவர் பாஜகவில் கலை மற்றும் கலாச்சார பிரிவு மாவட்டத் துணைத் தலைவராக உள்ளார்.

ஐந்தாம் வகுப்பு வரை படித்துள்ளார். கடந்த பத்து வருடத்திற்கு மேலாக பாஜகவில் இருந்து வருகிறார்.

இதுகுறித்து அவர் கூறுகையில், தன்னை வேட்பாளராக அறிவித்த கட்சிக்கு நன்றி தெரிவித்துக் கொள்வதாகவும், அடித்தட்டு மக்கள் அதிகம் வாழும் இந்தப் பகுதியில் பொதுமக்களுக்கும் ஏழைகளுக்கும் உதவி செய்வதற்காக இதை ஒரு நல்ல வாய்ப்பாக பயன்படுத்திக் கொள்வேன் என்றும், வெற்றி பெற்று தொடர்ந்து ஏழைகளுக்கு உதவி செய்வேன் என அவர் தெரிவித்தார்.