சென்னை வியாசர்பாடி கடைகளில் மாமூல் வசூல் செய்த ரவுடி கைது

Vyasarpadi Rowdy-சென்னை வியாசர்பாடி பகுதியில் இரவு நேரங்களில் வியாபாரிகளை மிரட்டி ரவுடி ஒருவர் மாமூல் வசூல் செய்து வருவதாக எம்கேபி நகர் போலீசாருக்கு ரகசிய தகவல் கிடைத்தது.

புகாரின்பேரில் இரவு நேரங்களில் தொடர்ந்து குறிப்பிட்ட பகுதியில் உள்ள கடைகளை கண்காணித்து வந்த போலீசார், வியாசர்பாடி பி.வி. காலனி பகுதியில் மாமூல் வசூல் செய்யும் போது ரவுடி ஒருவரை கையும் களவுமாக பிடித்தனர்.

அவரை காவல் நிலையம் அழைத்துச் சென்று விசாரணை செய்தபோது, வியாசர்பாடி கரிமேடு 2வது தெரு பகுதியை சேர்ந்த ஜெகநாதன் என்கின்ற ஜனா வயது 30 என்பது தெரியவந்தது.

மேலும் இவர் மீது எம்கேபி நகர், வியாசர்பாடி ஓட்டேரி ஆகிய காவல் நிலையங்களில் சில குற்ற வழக்குகள் இருப்பது தெரியவந்தது. இதனையடுத்து இவர் மீது வழக்குப்பதிவு செய்த எம்கேபி நகர் போலீசார் அவரை நீதிமன்றத்தில் ஆஜர்படுத்தி சிறையில் அடைத்தனர்.

அடுத்த முக்கியமான செய்திகளை தெரிந்துகொள்ள: Click Here-1, Click Here-2