சென்னை கொடுங்கையூரில் பொதுமக்களிடம் கத்தியை காட்டி வழிப்பறி: ஒருவர் கைது

சென்னை கொடுங்கையூர் காவல் நிலையத்துககு உட்பட்ட ஆர்.ஆர்.நகர் தண்டையார்பேட்டை ஹை ரோடு அருகே கத்தியைக் காட்டி மிரட்டி பொது மக்களை மர்ம நபர் ஒருவர் அச்சுறுத்துவதாக கொடுங்கையூர் இன்ஸ்பெக்டர் ஜார்ஜ் மில்லருக்கு ரகசிய தகவல் கிடைத்தது.

அதன் பேரில் அங்கு சென்ற கொடுங்கையூர் போலீசார், அப்பகுதியில் நின்றிருந்த மூலக்கடை நேரு நகர் பகுதியைச் சேர்ந்த ஐயப்பன் வயது 19 என்பவரை பிடித்து காவல் நிலையம் அழைத்து வந்து விசாரணை செய்தனர். அவரிடமிருந்த கத்தி பறிமுதல் செய்யப்பட்டது.

விசாரணையில் அவர் மீது ஏற்கனவே பல வழிப்பறி வழக்குகள் உள்ளதாகவும் நேற்று வழிப்பறி செய்வதற்காக அவர் நின்று கொண்டிருந்தது தெரியவந்தது. இதனையடுத்து ஐயப்பன் மீது வழக்குப்பதிவு செய்த போலீசார் அவரை நீதிமன்றத்தில் ஆஜர்படுத்தி சிறையில் அடைத்தனர்.