தேசியத் தூய்மைப் பணியாளர் ஆணையத் தலைவர் சென்னையில் ஆய்வு

தமிழ்நாட்டில் சுற்றுப்பயணம் மேற்கொண்டுள்ள தேசிய தூய்மைப் பணியாளர் ஆணையத்தின் தலைவர் எம் வெங்கடேசன், 'கழிவுகளை அகற்றுவதற்கு மனிதர்களை பணியமர்த்தல் தடுப்பு மற்றும் அவர்களின் மறுவாழ்வு சட்டம் 2013'-ன் செயல்படுத்தலை சென்னையில் இன்று ஆய்வு செய்தார். சென்னை ராஜீவ்காந்தி அரசுப் பொது மருத்துவமனை முதல்வர் மற்றும் உயர் அதிகாரிகளைச் சந்தித்து ஆலோசனை நடத்திய அவர், தூய்மைப் பணியாளர்கள், அவர்களது சங்கப் பிரதிநிதிகள் மற்றும் தலைவர்களுடன் உரையாடினார்.

நாளை கல்பாக்கத்திற்கு பயணம் மேற்கொள்ளவுள்ள வெங்கடேசன், அங்குள்ள அணுமின் நிலைய மூத்த அதிகாரிகளோடு ஆலோசனை நடத்துவதோடு, தூய்மைப் பணியாளர்கள், அவர்களது சங்கப் பிரதிநிதிகள் மற்றும் தலைவர்களுடன் உரையாடவுள்ளார்.