இளம் மனைவியை கொல்ல பிச்சைக்காரனாக உருவெடுத்த 56 வயது பேராசிரியர்
பைல் படம்.
சென்னையில் உதவிப் பேராசிரியர் ஒருவர் பிச்சைக்காரன் போல் வேடமணிந்து தனது மனைவியைக் கொலை செய்ய முயன்ற சம்பவம் அதிர்ச்சியை ஏற்படுத்தியுள்ளது.
சென்னை நந்தனம் கலைக் கல்லூரியின் வரலாற்றுத்துறையில் உதவி பேராசிரியராக குமாரசாமி (வயது 56) என்பவர் பணியாற்றி வருகிறார். இவரது மனைவி கே.ஜெயவாணி தனியார் பொறியியல் கல்லூரியில் பணிபுரிவதாக போலீசார் தெரிவித்தனர். தம்பதிக்கு இரண்டு மகன்கள் மற்றும் ஒரு மகள் உள்ளனர். இவர்கள் கடந்த 12 ஆண்டுகளுக்கு முன்பு திருமணம் செய்து கொண்டு எழும்பூரில் உள்ள ஊராட்சி சாலையில் வசித்து வந்தனர்.
கடந்த வியாழக்கிழமை இரவு 7 மணியளவில் ஜெயவாணி, எழும்பூர் பேருந்து நிறுத்தத்தில் எம்டிசி பேருந்தில் இருந்து இறங்கி வீட்டுக்கு நடந்து சென்று கொண்டிருந்தார். ஆங்கிலோ-இந்தியன் குவார்ட்டர்ஸ் சாலையை அவர் கடக்கும்போது, குமாரசாமி பிச்சைக்காரர் வேடத்தில் ஜெயவாணியை நோக்கி ஓடி வந்து பிளேடால் தாக்கினார். ஆனால் ஜெயராணி தன் கைகளால் மூடிக்கொண்டு ஓடினார்.
அதிர்ச்சியடைந்த அக்கம்பக்கத்தில் இருந்தவர்கள் ஓடி வருவதற்குள், குமாரசாமி அவரைத் துரத்திச் சென்று மேலும் பல முறை சரமாரியாக வெட்டினார். பின்னர் அவர் அங்கிருந்து தப்பியோடிவிட்டார் . பின்னர்,ஜெயவாணியை மீட்டு சிகிச்சைக்காக அருகில் உள்ள தனியார் மருத்துவமனையில் சேர்த்தனர். அவரது புகாரின் பேரில் எழும்பூர் போலீஸார் வழக்குப் பதிந்து குமாரசாமியை நேற்று அதிகாலை கைது செய்தனர்.
முதற்கட்ட விசாரணையில், ஜெயவாணி தனது சக ஊழியருடன் தொடர்பு வைத்திருப்பதாகவும், இதனால் கோபடைந்த குமாரசாமி தனது மனைவியைக் கொலை செய்துவிட்டு வீடு திரும்ப திட்டமிட்டிருந்ததாக போலீஸார் தெரிவித்தனர்.
ஜெயவாணி திருமணமானபோது மாணவி. ஜெயவாணியின் தந்தையின் குடும்ப நண்பராக இருந்ததால், அவரது கல்விச் செலவுகளை குமாரசாமி கவனித்து வந்தார். சமீபத்தில், குமாரசாமி அந்தப் பெண் மிகவும் இளமையாக இருந்ததால் அவரது நம்பகத்தன்மையை சந்தேகிக்கத் தொடங்கினார் என்று போலீஸ் அதிகாரி ஒருவர் கூறினார். குமாரசாமி மீது கொலை முயற்சி மற்றும் பெண்கள் துன்புறுத்தல் சட்டத்தின் பிரிவுகளின் கீழ் வழக்கு பதிவு செய்யப்பட்டது.
