தாமஸ் மலை ஒன்றியம் 3 வது வார்டில் 8 முனைப் போட்டி

செங்கல்பட்டு மாவட்டம் தாமஸ் மலை ஊராட்சி ஒன்றியத்தில் 6ம் தேதி ஊரக உள்ளாட்சி தேர்தல் நடைபெறுகிறது. இதில் 3வது வார்டு ஒன்றிய கவுன்சிலர் பதவிக்கு பா.ஜ.க. சார்பில் ஹேமாவதி, திமுக சார்பில் விசாலாட்சி, தேமுதிக சார்பில் ருக்குமணி, பாட்டாளி மக்கள் கட்சி சார்பில் செல்வி, நாம் தமிழர் கட்சி சார்பில் கவிதா, அம்மா மக்கள் முன்னேற்ற கழகம் சார்பில் ரீனா கௌசல்யா, தமிழக வாழ்வுரிமை கட்சி சார்பில் தமிழ் நிஷா, சுயேட்சை வேட்பாளராக புஷ்பா ஆகியோர் போட்டியிடுகின்றனர்.

தாமஸ் மலை 3 வது வார்டில், திமுக, அதிமுக, பாட்டாளி மக்கள் கட்சி, நாம் தமிழர், தேமுதிக, அம்மா மக்கள் முன்னேற்ற கழகம் கட்சி ஆகியவை நேரடியாக மோதிக் கொள்கிறது. இதனால் இந்த ஒன்றிய கவுன்சில் பகுதியில் பிரசாரம் சூடு பிடித்துள்ளது.