'நான் உங்கள் வேலைக்காரி' : அதிமுக வேட்பாளர் சொல்கிறார்
செய்யூர் சட்டமன்ற தொகுதி திருக்கழுக்குன்றம் ஒன்றியத்திற்கு உட்பட்ட பல்வேறு பகுதிகளில் அதிமுக வேட்பாளர் கனிதா சம்பத் தீவிர வாக்கு சேகரிப்பில் ஈடுபட்டார்.
செங்கல்பட்டு மாவட்டம் செய்யூர் சட்டமன்றத் தொகுதி அதிமுக வேட்பாளர்கனிதா சம்பத் செய்யூர் சட்டமன்ற தொகுதி திருக்கழுக்குன்றம் ஒன்றியத்திற்குட்பட்ட வெங்கப்பாக்கம், ஆரம்பாக்கம், பூந்தண்டலம், பெருமாள் சேரி, இளையனார்குப்பம் உள்ளிட்ட பகுதிகளில் தீவிர வாக்கு சேகரிப்பில் ஈடுபட்டார்.
சென்ற இடமெல்லாம் வேட்பாளருக்கு பொதுமக்கள் வரவேற்பு அளித்தனர். பொதுமக்களிடையே பேசிய வேட்பாளர், தான் வெற்றி பெற்றால் முதல்வர் அறிவித்த அனைத்து திட்டங்களையும் விரைந்து செயல்படுத்துவேன். உங்களில் ஒருவராக இருந்து உங்களது வேலைக்காரியாக நான் செயல்படுவேன் என்று உறுதியளித்து வாக்கு சேகரிப்பில் ஈடுபட்டார். இவருடன் கூட்டணி கட்சிகளை சேர்ந்த தொண்டர்கள் ஏராளமானோர் கலந்து கொண்டனர்.
