திருக்கழுக்குன்றம் அருகே பைக் மீது மினி லாரி மோதியதில் இளைஞர் உயிரிழப்பு

செங்கல்பட்டு மாவட்டம் திருக்கழுகுன்றம் அருகே திம்மூர் கிராமத்தை சேர்ந்தவர் மதன்குமார் (வயது 23). இவர் தனியார் நிறுவனத்தில் பணிபுரிகிறார்.நேற்று இரவு வீட்டில் இருந்து திருக்கழுக்குன்றம் நோக்கி தனது இருசக்கர வாகனத்தில் வரும் போது காட்டூர் கிராமம் அருகே எதிர் திசையில் மதுராந்தகம் நோக்கி சென்ற மினிலாரி, ஓட்டுனரின் கட்டுபாட்டை இழந்து இருசக்கர வாகனம் மீது நேருக்குநேர் மோதியதில் மதன்குமார் சம்பவ இடத்திலேயே உயிரிழந்தார்.

தகவல் அறிந்து அங்கு வந்த திருக்கழுக்குன்றம் போலீசார் உடலை கைப்பற்றி செங்கல்பட்டு அரசு மருத்துவமனைக்கு உடற்கூறு ஆய்வுக்காக அனுப்பிவைத்து விசாரணை மேற்கொண்டுள்ளனர்.