தீரன் சின்னமலை,வல்வில் ஓரி நினைவு நாளை முன்னிட்டு பாஜகவினர் மலரஞ்சலி

செங்கல்பட்டு மாவட்டம் தாம்பரத்தில் விடுதலை போராட்ட வீரர்கள் தீரன் சின்னமலை மற்றும் வல்வில் ஓரி ஆகியோர் நினைவு நாளை முன்னிட்டு பாஜக சார்பில் ஏராளமானோர் கலந்துகொண்டு மலர் அஞ்சலி செலுத்தினர். இந்திய விடுதலைக்காக போராடிய தீரன் சின்னமலை மற்றும் தமிழர்களுக்காக போராடிய வல்வில் ஒரி ஆகியோருக்கு பாஜக சார்பில் நினைவஞ்சலி நிகழ்ச்சி கிழக்குத் தாம்பரத்தில் நடைபெற்றது.

நிகழ்ச்சியில் சிறப்பு விருந்தினராக செங்கல்பட்டு மாவட்ட பாஜக பொறுப்பாளர் வேதா சுப்ரமணியம் கலந்துகொண்டு தீரன் சின்னமலை மற்றும் வல்வில் ஓரி ஆகியோரின் புகைப்படத்திற்கு மலர் தூவி அஞ்சலி செலுத்தினர். தொடர்ந்து அவர்களின் வீர தீர செயல்கள் குறித்து கூட்டத்தில் பேசப்பட்டது. இந்த நிகழ்ச்சியில் ஏராளமான பாஜகவினர் கலந்து கொண்டு மலர் அஞ்சலி செலுத்தினர்.