உள்ளகரத்தில் மர்மநபர்கள் சிசிடிவி கேமராவிற்கு முத்தம் போலீசார் நடவடிக்கை எடுக்க கோரிக்கை
சென்னை மடிப்பாக்கம் ராம்நகர் உள்ளகரம்பகுதியில் சிசிடிவி முன் நிற்கும் மர்ம ஆசாமி.
சென்னை மடிப்பாக்கம் ராம்நகர் உள்ளகரம் பகுதியில் மர்ம நபர்கள் சிசிடிவி கேமராவிற்கு முன் நின்று முத்தம் கொடுப்பதாக பொதுமக்கள் புகார் தெரிவித்துள்ளனர்.
சென்னை மடிப்பாக்கம், ராம் நகர், உள்ளகரம் பகுதியில் அடிக்கடி இருசக்கர வாகனம், சைக்கிள் ஆகியவை திருடு போவதாக அப்பகுதி மக்கள் கூறுகின்றனர்.இந்நிலையில் இரவு நேரங்களில் சில இளைஞர்களை அடுக்குமாடி குடியிருப்புகளை நோட்டமிட்டு செல்வதாகவும், நேற்று முன் தினம் இரவு கூட மர்ம நபர்கள் முடிந்தால் பிடித்து பாருங்கள் என சவால் விடும் வகையில் சிசிடிவி கேமரா அருகில் வந்து முகத்தை காட்டிவிட்டு முத்தம் கொடுத்து விட்டு செல்கின்றனர்.
இந்த சிசிடிவி காட்சியோடு உள்ளகரம் ஊர் மக்கள் மடிப்பாக்கம் காவல் நிலையத்தில் புகார் கொடுத்தும் இதுவரை சி.எஸ்.ஆர்.கூட கொடுக்கவில்லை என குற்றம் சாட்டுகின்றனர்.மர்ம நபர்களை விரைந்து கைது செய்ய நடவடிக்கை எடுக்கவும் கோரிக்கை விடுத்துள்ளனர்.
Next Story
