தொடர் விபத்து: தேசிய நெடுஞ்சாலையில் போக்குவரத்து பாதிப்பு

மதுராந்தகம் தேசிய நெடுஞ்சாலையில் திருச்சியில் இருந்து சென்னை மார்க்கமாக சென்ற அரசு பேருந்து வந்து கொண்டிருந்த நிலையில் ஜானகிபுரம் என்ற இடத்தில் திடீரென லாரி குறுக்கே வந்தது. இதனை கண்ட அரசு பேருந்து டிரைவர் திடீரென வாகனத்தை நிறுத்தியதால், பின்னால் வந்த 2 தனியார் சொகுசு பேருந்துகள் மற்றும் கார் ஆகியவை ஒன்றன்பின் ஒன்றாக மோதிக்கொண்டு விபத்து ஏற்பட்டது.

இதனால் மேல்மலையனூர் கோயிலுக்கு சென்றுவிட்டு காரில் வந்த வந்துகொண்டிருந்த 2 பெண்கள் மற்றும் இரு சிறுவர்கள் உட்பட ஐந்து பேர் சிறு காயம் ஏற்பட்ட நிலையில் இவர்களை மீட்டு மதுராந்தகம் அரசு மருத்துவமனையில் முதல் உதவி சிகிச்சை அளிக்கப்பட்டு இவர்களது சொந்த ஊருக்கு அனுப்பிவைக்கப்பட்டனர்

இந்த விபத்தினால் சுமார் ஒரு மணிநேரம் போக்குவரத்து பாதிக்கப்பட்ட நிலையில் தகவலறிந்து வந்த மதுராந்தகம் காவல்துறையினர் வாகனங்களை அப்புறப்படுத்தி போக்குவரத்தை சீர் செய்தனர் மேலும் விபத்து குறித்து விசாரணை மேற்கொண்டு வருகின்றனர்