படாளம் அருகே காளைமாடு முட்டி, சிகிச்சை பலனின்றி ஒருவர் உயிரிழப்பு

செங்கல்பட்டு அருகே காளை மாடு முட்டியதில் பலத்த காயம் அடைந்த ஒருவர் சிகிச்சை பலனின்றி உயிரிழந்த சம்பவம் அப்பகுதியில் பெரும் சோகத்தை ஏற்படுத்தியது .

செங்கல்பட்டு மாவட்டம், மதுராந்தகம் அடுத்த புக்கத்துறை அருகே உள்ள சமத்துவபுரத்தில் வசிப்பவர் தனசேகரன் வயது 51 இவர் நேற்று மாலை வீதியில் நடந்து சென்ற போது அந்த வழியாக வந்த காளை மாடு எதிர்பாராதவிதமாக திடீரென முட்டியதில் பலத்த காயமடைந்தார்.

பின்னர் அங்கிருந்தவர்கள் படுகாயமடைந்த தனசேகரனை செங்கல்பட்டு அரசு மருத்துவமனையில் அனுமதித்த நிலையில் இன்று சிகிச்சை பலனின்றி உயிரிழந்தார். இது குறித்து படாளம் போலீசார் வழக்கு பதிவு செய்து விசாரணை நடத்திவருகின்றனர்.