இல்லம் தேடி கல்வி திட்டம் குறித்து தலைமையாசிரியர்களுக்கு பயிற்சி

அரியலூர் மாவட்டம் தா.பழூர் ஊராட்சி ஒன்றிய தொடக்கப்பள்ளியில் தமிழக முதல்வர் அறிவித்த இல்லம் தேடி கல்வி திட்டம் குறித்து தலைமையாசிரியர்களுக்கான ஆலோசனை கூட்டம் நடைபெற்றது. இந்த கூட்டத்தில் வட்டார கல்வி அலுவலர்கள் கலியபெருமாள், ராசாத்தி ஆகியோர் கலந்துகொண்டு தலைமை ஆசிரியர்களுக்கு பல்வேறு ஆலோசனைகளை வழங்கினார்.

பயிற்சியின்போது, இல்லம் தேடி கல்வி திட்டத்துக்கு தன்னார்வலர்களை தேர்வு செய்வது, பள்ளி தகவல் தொழில்நுட்ப மேலாண்மை, மாணவர்களுக்கான மழைக்கால முன்னெச்சரிக்கை நடவடிக்கைகள், கரோனா தடுப்பு விழிப்புணர்வு, சுகாதார விழிப்புணர்வு, குழந்தைகளுக்கு எதிராக நடைபெறும் குற்றங்கள் தடுத்தல் உள்ளிட்ட பல்வேறு விஷயங்கள் குறித்து ஆலோசனைக் கூட்டத்தில் தலைமை ஆசிரியர்களுக்கு ஆலோசனை வழங்கப்பட்டது.

கூட்டத்திற்கான ஏற்பாடுகளை வட்டார வள மைய மேற்பார்வையாளர் இளவழகன் செய்திருந்தார். ஆசிரியர் பயிற்றுனர்கள் சிவா, ஜெய்சங்கர், டேவிட் ஆரோக்கியதாஸ், சுதா, சம்பத் ஆகியோர் பயிற்சி அளித்தனர். தலைமை ஆசிரியர்களுக்கு கோடை காலத்தில் பள்ளிகளை செயல்படுத்துவது குறித்த பல்வேறு சந்தேகங்களுக்கு விளக்கம் அளித்தனர். கூட்டத்தில் தா.பழூர் ஒன்றியத்தைச் சேர்ந்த 85 தலைமை ஆசிரியர்கள் கலந்து கொண்டனர்.