மீன்சுருட்டி அருகே சாலை விபத்தில் 2 பேர் உயிரிழப்பு

அரியலூர் மாவட்டம் மீன்சுருட்டி அருகே இருசக்கர வாகனத்தின் மீது கார் மோதிய விபத்தில் அதே இடத்திலேயே 2 பேர் உயிரிழந்தனர்.

மீன்சுருட்டி அடுத்த பாப்பாகுடி கிராமத்தை சேர்ந்தவர்கள் தங்கசாமி மகன் ராமதாஸ்(45), சின்னத்தம்பி மகன் அம்பேத்கர்(62). இருவரும், நேற்று மாலை சென்னை - கும்பகோணம் சாலையில் பாப்பாகுடி அருகே இருசக்கர வாகனத்தில் சென்றபோது, எதிரே வந்த கார் மோதியதில் இருவரும் தூக்கி வீசப்பட்டனர். இதில் பலத்த காயமடைந்த இருவரும் அந்த இடத்திலேயே உயிரிழந்தனர். தகவலறிந்து வந்த மீன்சுருட்டி போலீஸார் இருவரின் உடலையும் மீட்டு ஜெயங்கொண்டம் அரசு மருத்துவமனைக்கு பிரேத பரிசோதனைக்கு அனுப்பிவைத்து, விபத்து குறித்து விசாரணை மேற்கொண்டு வருகின்றனர்.