சிவனின் நெற்றிக்கண் போன்று ஒற்றை கண்ணுடன் பிறந்த அதிசிய ஆட்டுக்குட்டி

அரியலூர் மாவட்டம் தா.பழூர் அருகே உள்ள தென்கச்சி பெருமாள் நத்தம் கிராமத்தில் வசித்து வருபவர் சிவகுருநாதன். இவர் கடந்த பத்தாண்டுகளாக கால்நடைகளை வளர்த்து வருகிறார்.

இந்நிலையில், நேற்று ஆடி முதல் வெள்ளியை முன்னிட்டு வளர்த்து வந்த ஆடு இரட்டை குட்டிகளை ஈன்றது. அதில் ஒன்று, சிவனின் நெற்றிக் கண் போன்று நெற்றியில் ஒற்றை கண்ணுடன் அதிசய ஆட்டுக்குட்டி பிறந்துள்ளது.

இந்த அதிசய ஆட்டுக்குட்டியை பொதுமக்கள் வியப்புடன் பார்த்துச் செல்கின்றனர். ஆடி முதல் வெள்ளியில் சிவனைப் போன்று நெற்றியில் ஒற்றை கண்ணுடன் பிறந்த ஆட்டுக்குட்டியால் கிராமத்திற்கு அதிசயம் நிகழும் என பொதுமக்கள் அனைவரும் நம்பிக்கை தெரிவித்து வணங்கி செல்கின்றனர். இதனால் ஆடு வளர்க்கும் தங்களது குடும்பத்திற்கும் நல்லது நடக்கும் என மகிழ்ச்சியில் திளைத்துள்ளனர்.