இருசக்கரவாகனம் டிப்பர் லாரி மீது மோதியதில் இருவர் படுகாயம்

அரியலூர் மாவட்டம் ஜெயங்கொண்டத்தை அடுத்து தா. பழூர் கிராமத்தைச் சேர்ந்தவர்கள் அஜித் மற்றும் ராஜசேகரன். இவர்கள் இருவரும் கல்லாத்தூர் கிராமத்தில் உள்ள டாஸ்மாக் கடையில் மது பாட்டில்களை வாங்கிக் கொண்டு, மீண்டும் தா.பழூர் நோக்கி சென்று கொண்டிருந்தனர்.

அப்போது ஜெயங்கொண்டம் விருத்தாசலம் தேசிய நெடுஞ்சாலையில் காமராஜர் சிலை அருகே சென்றபோது, மதுபோதையில் அதிக வேகத்தில் சென்றதால், ஜெயங்கொண்டத்தில் இருந்து விருத்தாசலம் நோக்கி சென்ற டிப்பர் லாரி மீது இருசக்கர வாகனம் மோதியது. இதில் இருவரும் பலத்த காயமடைந்தனர்.

மதுபாட்டில்கள் சம்பவ இடத்தில் சிதறி கிடந்தது. மேலும் அவர்கள் வைத்திருந்த 20க்கும் மேற்பட்ட மதுபாட்டில்களை போலிசார் உடைத்து அழித்தனர். ஜெயங்கொண்டம் போலீஸார் 108 ஆம்புலன்ஸ் மூலம் காயமடைந்த இருவரையும், ஜெயங்கொண்டம் அரசு மருத்துவமனைக்கு சிகிச்சைக்காக சேர்த்தனர். முதல் சிகிச்சை பெற்று மேல் சிகிச்சைக்காக, தஞ்சை மருத்துவகல்லூரி மருத்துவமனைக்கு அனுப்பி வைக்கப்பட்டனர். இதில் அஜித் என்பவருக்கு ஒரு கால் முற்றிலும் முறிந்து துண்டானது. மேலும் அஜீத்திற்க்கு திருமணமாகி ஒரு வயதில் குழந்தை உள்ளது என்பது குறிப்பிடத்தக்கது.