பெரம்பலூர் அரியலூர், தி.மலை மாவட்டங்களில் பள்ளிகளுக்கு விடுமுறை

தமிழகத்தின் பல மாவட்டங்களில் பரவலாக மழை பெய்து வருகிறது. வரும் நவம்பர் 3ந்தேதி வரை மழைக்கு வாய்ப்பு உள்ளதாகவும், சில மாவட்டங்களில் கன முதல் மிக கனமழை பெய்யக்கூடும் என்றும், வானிலை ஆய்வு மைய அதிகாரிகள் கூறினர்.

இந்நிலையில் அரியலூர் மாவட்டத்தில் பரவலாக பெய்து வரும் மழையின் காரணமாக இன்று பள்ளிகளுக்கு மட்டும் விடுமுறை அளித்து மாவட்ட ஆட்சித் தலைவர் உத்தரவு பிறப்பித்துள்ளார். இதேபோல், பெரம்பலூர், திருவண்ணாமலை மாவட்டங்களில் விடுமுறை அறிவித்து அந்தந்த மாவட்ட ஆட்சித் தலைவர்கள் உத்தரவு பிறப்பித்துள்ளனர்.

இதேபோல் திண்டுக்கல் மாவட்டம் கொடைக்கானல் பகுதியில் பள்ளிகளுக்கு மட்டும் விடுமுறை அறிவித்து, மாவட்ட நிர்வாகம் உத்தரவு பிறப்பிக்கப்பட்டுள்ளது. ஏற்கனவே கடலூர், விழுப்புரம் உள்பட இதுவரை தமிழகத்தில் ஐந்து மாவட்டங்களில் பள்ளிகளுக்கு விடுமுறை அறிவிக்கப்பட்டுள்ளது குறிப்பிடத்தக்கது.