அனைத்து மெட்ரோ நிலையங்களும் மாற்றுத்திறனாளிகளுக்கு உகந்ததாக மாற்றப்படும்

மாற்றுத்திறனாளிகள் எதிர்கொள்ளும் உடல் மற்றும் மனப்பான்மை தடைகளை அகற்ற போராடும் சென்னையை சேர்ந்த வழக்கறிஞர் வைஷ்ணவி ஜெயக்குமார் 2020ல் பொதுநல மனு ஒன்றை தாக்கல் செய்தார்.

அந்த மனுவில், 2016ம் ஆண்டு நகர்ப்புற மேம்பாட்டு அமைச்சகத்தால் வெளியிடப்பட்ட மாற்றுத்திறனாளிகள் மற்றும் முதியோர்களுக்கான தடையற்ற கட்டமைக்கப்பட்ட சுற்றுச்சூழலுக்கான இணக்கமான வழிகாட்டுதல்கள் மற்றும் தரநிலைகளுக்கு இணங்க மெட்ரோ நிறுவனம் ஏற்கனவே உள்ள மெட்ரோ ரயில் நிலையங்களை உடனடியாக மறுசீரமைக்க அறிவுறுத்த வேண்டும்.

மாற்றுத்திறனாளிகளின் உரிமைகள் சட்டம், 2016ன் பிரிவு 41 உடன், 2017ம் ஆண்டு மாற்றுத்திறனாளிகளின் உரிமைகள் விதிகள், 2017 இன் விதி 15ன் படி, எதிர்காலத்தில் திட்டமிடப்பட்டுள்ள நிலையங்கள் உட்பட, கட்டுமானத்தின் கீழ் உள்ள மெட்ரோ நிலையங்களின் வடிவமைப்பு மற்றும் கட்டுமானம் அமைக்கப்படவேண்டும்

ஆனால், சென்னையில் தனது நிலையங்களை சட்டத்திற்கு இணங்க அமைக்கத் தவறியதன் மூலம், 2016 ஆம் ஆண்டு மாற்றுத்திறனாளிகளின் உரிமைகள் சட்டம், 2016ஐ மீறியுள்ளது என்று அவர் வாதிட்டார்.

அதன் நிலையங்கள் 2017 இல் தணிக்கை செய்யப்பட்டு, விதிகள் மற்றும் சட்டங்களுக்கு இணங்கவில்லை என்று கண்டறியப்பட்டது. மேலும், இன்றுவரை நிலையங்கள் மற்றும் பிற உள்கட்டமைப்புகளை சட்டத்திற்கு இணங்க கொண்டு வர எந்த நடவடிக்கையும் எடுக்கப்படவில்லை.

இது தொடர்பான பொதுநல மனு இன்று மீண்டும் விசாரணைக்கு வந்தபோது, தலைமை நீதிபதி எம்.என்.பண்டாரி மற்றும் நீதிபதி என்.மாலா ஆகியோர் அடங்கிய முதல் அமர்வு முன், சென்னை மெட்ரோ ரயில் நிறுவனத்தின் (சிஎம்ஆர்எல்) வழக்கறிஞர் தற்போது புதிதாக நடைபெற்று வரும் திட்டங்களில் மாற்றுத்திறனாளிகளுக்கு உகந்த கட்டமைப்புகள் வழங்கப்படும் என்று தெரிவித்தார். ஏற்கனவே கட்டப்பட்டுள்ள ரயில் நிலையங்களில், ஆறு மாதங்களுக்குள், மறுசீரமைப்பு செய்யப்படும்,'' என்றார்.

அவரது அறிக்கையை பதிவு செய்த பெஞ்ச், வழக்கை ஆறு வாரங்களுக்கு ஒத்திவைத்தது.