துணை வேந்தர் பதவிக்கு ரூ.50 கோடி... போட்டுடைத்த ஆளுநர்

Governor Of Punjab - பஞ்சாப் மாநிலத்தில் புதிதாக நியமிக்கப்பட்டுள்ள வேளாண் பல்கலைக்கழக துணைவேந்தரை பதவி நீக்கம் செய்ய வேண்டும் என்று இரண்டு நாட்களுக்குப் பிறகு, ஆளுநர் பன்வாரிலால் புரோஹித்துக்கு, தனது அரசின் செயல்பாடுகளில் தலையிடுவதாகக் கூறி, பஞ்சாப் முதல்வர் பகவந்த் மான் சமூக ஊடகங்களில் கடிதம் ஒன்றைப் பகிர்ந்துள்ளார்.

ஆனால், கவர்னர் அலுவலகம் அதை ஏற்கவில்லை. முதல்வர் பகிர்ந்த கடிதம், பெறப்பட்ட கடிதத்தில் இருந்து வேறுபட்டது என்று அதில் கூறப்பட்டுள்ளது. அந்த கடிதம் ஆளுநரிடம் சென்றடையும் முன்பே சமூக வலைதளங்களில் பரவியதற்கு எதிர்ப்பு தெரிவித்தது.

ஆளுநர் பன்வாரிலால் புரோஹித்தின் கடிதத்திற்கு கடந்த வியாழனன்று முதல்வர் பகவமந்த் மான் பதிலளித்தார். அதில் துணை வேந்தர் நியமனத்தை ரத்து செய்துவிட்டு புதிய துணைவேந்தர் நியமன செயல்முறையை அமல்படுத்துமாறு ஆளுநரை கேட்டுக் கொண்டார். பஞ்சாபி மொழியில் எழுதிய இந்தக் கடிதத்தை முதல்வர் ட்விட்டரில் பகிர்ந்துள்ளார். அந்த கடிதத்தில், துணை வேந்தர் நியமனத்தை நியாயப்படுத்தி, ஆளுநர், பினாமி போரில் ஈடுபட வேண்டாம் என்றும், அரசின் செயல்பாட்டில் தலையிட வேண்டாம் என்றும், ஆளுநருக்கு அறிவுறுத்திய பகவமந்த் மான், அவரிடம் பல கேள்விகளையும் கேட்டுள்ளார்.

பஞ்சாபி மொழியில் எழுதிய கடிதத்தால் சர்ச்சை

அதே சமயம் பஞ்சாபி மொழியில் எழுதப்பட்ட இந்தக் கடிதத்தால் சர்ச்சை எழுந்துள்ளது. முதல்வரிடம் இருந்து தங்களுக்கு வந்துள்ள கடிதம் ஆங்கிலத்தில் உள்ளதே தவிர, பஞ்சாபி மொழியில் இல்லை என்று ராஜ்பவன் வட்டாரம் தெரிவித்துள்ளது. சமூக வலைதளங்களில் வைரலாக பரவி வரும் பஞ்சாபி மொழி கடிதம் மற்றும் ஆளுநருக்கு ஆங்கிலத்தில் வந்த கடிதங்களில் எது சரியானது என்பதை முதல்வர் தெளிவுபடுத்துமாறு ஆளுநர் கேட்டுள்ளார். முதல்வர் ட்வீட் செய்த கடிதம் ஒரு பக்கம் மட்டுமே உள்ளது. கவர்னருக்கு அதிகாரப்பூர்வமாக அனுப்பப்பட்ட கடிதம் ஐந்து பக்கங்களில் ஆங்கிலத்தில் உள்ளது. இரண்டின் சொற்களிலும் பெரிய வித்தியாசம் உள்ளது.

இந்த நிலையில் நேற்று நிகழ்ச்சி ஒன்றில் செய்தியாளர்களை சந்தித்த பஞ்சாப் ஆளுநர் பன்வாரி லால் புரோகித், நான் ஆளுநராக இருந்தபோது சட்டப்படி தமிழகத்தில் உள்ள பல்கலைக்கழகங்களுக்கு 27 துணை வேந்தர்களை நியமித்தேன். வேலை எப்படி நடக்கிறது என்பதை அவர்கள் (பஞ்சாப் அரசு) என்னிடமிருந்து கற்றுக்கொள்ள வேண்டும். பஞ்சாபில் யார் திறமையானவர், திறமையற்றவர் என்று கூட எனக்குத் தெரியாது. கல்வி மேம்படுவதை நான் பார்க்கிறேன்.

மேலும், நான் 4 ஆண்டுகள் தமிழக ஆளுநராக இருந்தேன். அங்கு மிகவும் மோசமாக இருந்தது. தமிழகத்தில் துணைவேந்தர் பதவி ரூ.40 முதல் ரூ.50 கோடிக்கு விற்பனை செய்யப்படுகிறது என பஞ்சாப் ஆளுநர் பன்வாரி லால் புரோகித் தெரிவித்துள்ளார்.

பஞ்சாப் ஆளுநர் பன்வாரி லால் புரோகித்தின் இந்த தகவலால் தமிழகத்தில் பரபரப்பை ஏற்படுத்தியுள்ளது.

அடுத்த முக்கியமான செய்திகளை தெரிந்துகொள்ள: Click Here-1, Click Here-2