ஆன்லைன் சூதாட்ட தடை மசோதா: சட்டமன்றத்தில் தாக்கல்

ஆன்லைன் சூதாட்டத்திற்கு தடை விதிக்கும் மசோதா சட்டமன்றத்தில் தாக்கல் செய்யப்பட்டது.

அவசரச் சட்டத்தின் மூலம் ஆன்லைன் சூதாட்டம் தடை செய்யப்பட்ட நிலையில், அதை சட்டமாக்குவதற்காக மசோதா சட்டமன்றத்தில் தாக்கல் செய்யப்பட்டுள்ளது. அதன்படி ஆன்லைன் சூதாட்டத்தில் ஈடுபட்டால் ரூ.5 ஆயிரம் அபராதம் மற்றும் 6 மாதங்களுக்கு சிறை தண்டனையும் விதிக்கப்படும் என்று மசோதாவில் தெரிவிக்கப்பட்டுள்ளது. ஆன்லைன் சூதாட்ட அரங்கம் வைத்திருப்பவர்களுக்கு ரூ.10 ஆயிரம் அபராதமும், 2 ஆண்டுகள் சிறைத் தண்டனையும் விதிக்கப்படும் என்றும் குறிப்பிடப்பட்டுள்ளது.