முதல்வர் வேட்பாளர் எடப்பாடி பழனிச்சாமி என ஏற்றுகொண்டு செயல்படுகிறோம் -ஜி.கே வாசன்

நெல்லையில் தமிழ் மாநில காங்கிரஸ் கட்சியின் மண்டல நிர்வாகிகள் மற்றும் மாவட்ட நிர்வாகிகளின் ஆலோசனைக் கூட்டம் நடைபெற்றது. அக்கட்சியின் தலைவர் ஜி.கே வாசன் கலந்துகொண்டு சட்டமன்ற தேர்தல் தொடர்பான ஆலோசனைகளை கட்சியினருக்கு வழங்கினார். முன்னதாக அவர் பத்திரிகையாளர்களை சந்தித்தார். அப்போது அவர் கூறியதாவது

இந்த புத்தாண்டு முதல் மண்டல வாரியாக மாநில மாவட்ட நிர்வாகிகள் சந்திப்பு நடந்து வருகிறது. முதல் கூட்டமாக தென்மாவட்டங்களின் நிர்வாகிகள் சந்திப்பு நெல்லையில் நடத்துகிறோம். அதிமுக கூட்டணியில் தமாக தொடர்ந்து அங்கம் வகிக்கிறது. அதிமுக கூட்டணி வெற்றி கூட்டணி எதிரில் இருக்கும் திமுக கூட்டணி தோல்வியை தழுவும் கூட்டணி. வரும் சட்டமன்ற தேர்தலில் அதிமுக வெற்றி பெறும் தமிழ் மாநில காங்கிரஸ் கட்சி பொதுமக்களின் விருப்பத்திற்குரிய மரியாதை பெறும் கட்சியாக நாங்கள் செயல்படுகிறோம்.

அதிமுக எங்கள் கூட்டணியின் முதன்மை கட்சி. அதிமுகவின் முதல்வர் வேட்பாளர் எடப்பாடி பழனிசாமி என அதிகாரப்பூர்வ அறிவிப்பு அதன் ஒருங்கிணைப்பாளர் அறிவித்துள்ளார். த.மா.க அதன் அடிப்படையில் முதல்வர் வேட்பாளர் எடப்பாடி பழனிசாமி என ஏற்றுகொண்டு செயல்படுகிறோம். தமிழ் மாநில காங்கிரஸ் அதிமுக கூட்டணியில் உள்ளது என அதிகாரப்பூர்வ அறிவிப்பை வெளியிட்டுள்ளோம். கூட்டணியில் இருக்கும் அனைவரும் இதேபோன்ற நல்ல அறிவிப்பை வெளியிடுவார்கள் என நினைக்கிறன். வரும் தேர்தலில் எங்களது பலத்திற்கு ஏற்றவாறு எங்களுக்கான தொகுதியை கூட்டணி தலைமையிடம் கேட்டுபெறுவோம். தமிழக சட்டமன்றத்தில் தமிழ் மாநில காங்கிரஸ் கட்சியின் குரல் ஒலிக்க வேண்டும் என்பது தான் எனது முதல் பணி ₹2500 பொங்கல் பரிசு வழங்குவதற்கு திமுக எதிர்ப்பு தெரிவிப்பது அவர்களது தோல்வி பயத்தை காட்டுகிறது என தெரிவித்தார்.