சென்னை தலைமைச் செயலகத்தில் அன்புமணி ராமதாஸ் செய்தியாளர் சந்திப்பு

சென்னை தலைமைச் செயலகத்தில் வன்னியர்களுக்கு 10.5 சதவீத இட ஒதுக்கீடு குறித்து, எம்.பி. அன்புமணி ராமதாஸ் செய்தியாளர்களை சந்தித்து வருகிறார். இதற்கு முன்னதாக முதலமைச்சரை சந்தித்தார்.

இச்சந்திப்பில் அன்புமணி தலைமையில் 7 பேர் குழு பாமக தலைவர் ஜி.கே.மணி உள்ளிட்டோர் பங்கேற்றனரை். வன்னியர்களுக்கான 10.5% இடஒதுக்கீடு கோரிக்கை தொடர்பாக முதலமைச்சரிடம் அன்புமணி ராமதாஸ் மனு அளித்தார்

வன்னியர் இடஒதுக்கீட்டை மீண்டும் நடைமுறைப்படுத்த சட்டம் இயற்றக்கோரி முதல்-அமைச்சர் மு.க.ஸ்டாலினை சந்தித்த டாக்டர் அன்புமணி ராமதாஸ் தலைமையிலான 7 பேர் கொண்ட குழு செய்தியாளர்களிடம் பேசும் போது வன்னியர் இடஒதுக்கீட்டை மீண்டும் நடைமுறைப்படுத்திட கூடுதல் புள்ளி விவரங்களை திரட்டி புதிய சட்டத்தை தமிழக அரசு விரைவில் நிறைவேற்றிட வேண்டும். இதை ஒரு வாரத்திலேயே முதல்-அமைச்சர் மு.க.ஸ்டாலின் செய்துவிட முடியும். இதை அவர் விரைந்து செய்து முடிப்பார் என ஒட்டுமொத்த வன்னியர் சமூகமும் எதிர்பார்த்து கிடக்கிறது என தெரிவித்தார்.