இந்திய கம்யூனிஸ்டு கட்சி அமைப்பு தின விழாவையொட்டி கொடி ஏற்றும் நிகழ்ச்சி

திருச்சி மாநகர் மாவட்ட மேற்கு பகுதி குழுவில் 15 இடங்களில் இந்திய கம்யூனிஸ்ட் கட்சி அமைப்பு தினத்தை முன்னிட்டு இருசக்கர வாகனத்தில் பேரணியாக சென்று கிளை வாரியாக இனிப்புகள் வழங்கி கொடியேற்றப்பட்டது.

இந்தியக் கம்யூனிஸ்ட் கட்சியின் 99 ஆவது அமைப்பு தின விழா மற்றும் முது பெரும் தலைவர் ஆர்.என். நல்லகண்ணுவின் பிறந்தநாள் விழா, மறைந்த தொழிற்சங்க தலைவர் கே.டி.கே. தங்கமணி நினைவு நாளை முன்னிட்டு இந்திய கம்யூனிஸ்ட் கட்சி திருச்சி மாநகர் மாவட்ட மேற்கு பகுதி குழு சார்பில் 15 இடங்களில் கொடியேற்றப்பட்டது.

இதில் மேற்குப் பகுதி செயலாளர் இரா. சுரேஷ் முத்துசாமி தலைமையில் 23 வது வார்டு மாமன்ற உறுப்பினர் ஏ.ஐ.டி.யு.சி. மாவட்ட பொதுச் செயலாளருமான க. சுரேஷ் குமார் 22 வது வார்டு தில்லை நகர் பகுதியில் கொடியேற்றி துவக்கி வைத்தார்.

மாநகர் மாவட்ட செயலாளர் சிவா முன்னிலை வகித்தார். அனைத்திந்திய மாணவர் பெருமன்றத்தின் மாநில பொருளாளர் இப்ராகிம், மேற்கு பகுதி பொருளாளர் ரவீந்திரன், பகுதி குழு ஆனந்தன், சரண் சிங், சத்யா, முரளி, தில்லை நாகராஜ், துரைராஜ் மௌலானா, ஜெய்லானி, மாணிக்கம், துரைராஜ், லட்சுமணன், சீனிவாசன், காந்தி, ஆட்டோ ராஜா, நாகராஜ்,ராமசாமி, சசிவரதம், ஜான்பாஷா மாதர் சங்க நிர்வாகிகள் க.ஆயிஷா, வை.புஷ்பம், சுமதி. ராஜேஸ்வரி, மற்றும் கங்கா தேவி, நசிமா மற்றும் 60க்கும் மேற்பட்ட தோழர்கள் கலந்து கொண்டு அமைப்பு தினத்தை சிறப்பித்தனர்.