ராகுல் காந்தி தகுதி நீக்கம்: ராஜ்காட்டில் காங்கிரஸ் சத்தியாகிரகம்

ஐந்து பேருக்கு மேல் கூடுவதைத் தடுக்க குற்றவியல் நடைமுறைச் சட்டத்தின் (CrPC) பிரிவு 144 ஐ விதித்துள்ள நகர காவல்துறையின் மத்தியில், டெல்லியில் உள்ள ராஜ்காட்டில், கட்சியின் முன்னாள் தலைவர் ராகுல் காந்திக்கு ஆதரவாக காங்கிரஸ் ஒரு நாள் முழுவதும் “சங்கல்ப் சத்தியாக்கிரகத்தை” தொடங்கியது

ராகுல்காந்தியின் எம்.பி. பதவி பறிக்கப்பட்டதை கண்டித்து இன்று நாடு முழுவதும் சத்தியாகிரக போராட்டம் நடத்தப்படும் என்று காங்கிரஸ் கட்சி அறிவித்து இருந்தது. அனைத்து மாநில, மாவட்ட தலைநகரங்களிலும், காந்தி சிலை முன்பாக காலை 10 மணி முதல் மாலை 5 மணி வரை இந்த சத்தியாகிரக போராட்டம் நடைபெறும் என்றும் தெரிவிக்கப்பட்டது.

டெல்லி ராஜ்காட்டில் உள்ள காந்தி நினைவிடத்தில் நடைபெறும் சத்தியாகிரகத்தில் கட்சி தலைவர் மல்லிகார்ஜுன கார்கே, பொதுச்செயலாளர் பிரியங்கா காந்தி பங்கேற்பார்கள் என்று அறிவிக்கப்பட்டது.

இதை தொடர்ந்து காங்கிரசார் இன்று நாடு முழுவதும் சத்தியாகிரக போராட்டத்தில் ஈடுபட்டனர். காலை 10 மணியளவில் இந்த போராட்டம் தொடங்கியது. மாநில தலைநகரம், மாவட்ட தலைநகரங்களில் காந்தி சிலை முன்பு நடந்த இந்த சத்தியாகிரகத்தில் காங்கிரசார் பெரும் திரளாக பங்கேற்றனர்.

அந்த பகுதியில் சத்தியாகிரக போராட்டம் நடத்த காவல்துறையினர் அனுமதி மறுத்தனர். சட்டம்-ஒழுங்கு பிரச்சினை ஏற்படும் என்பதால் காங்கிரசார் சத்தியாகிரகத்துக்கு அனுமதி தர முடியாது என்று தெரிவித்தனர். காவல்துறையின் தடையை மீறி காங்கிரசார் சத்தியாகிரக போராட்டத்தில் ஈடுபட்டனர். காந்தி நினைவிடம் அருகே நடந்த இந்த சத்தியாகிரகத்தில் காங்கிரஸ் தலைவர் மல்லிகார்ஜுன கார்கே, பிரியங்கா காந்தி, கே.சி.வேணுகோபால், ப.சிதம்பரம் உள்ளிட்டோர் பங்கேற்றனர். காங்கிரசாரின் போராட்டத்தையொட்டி டெல்லி உள்ளிட்ட நாட்டின் முக்கிய நகரங்களில் பலத்த போலீஸ் பாதுகாப்பு போடப்பட்டு இருந்தது.

போராட்டத்தில் கலந்து கொண்டு பேசிய பிரியங்கா காந்தி, மத்தியில் உள்ள நரேந்திர மோடி அரசை கிழித்தெறிந்தார். “இந்த நாட்டின் பிரதமர் ஒரு கோழை. ஆம், என் மீது வழக்குப் பதிவு செய்து என்னையும் சிறையில் தள்ளுங்கள். அவர் ஒரு கோழை. பெருமைமிக்க அரசனை தோற்கடிக்கும் பாரம்பரியம் நம் நாட்டில் உள்ளது,'' என்றார்.

காங்கிரஸை "வம்ச அரசியல்" என்று குற்றம் சாட்டும் பாஜகவின் தந்திரோபாயத்தையும் பிரியங்கா கடுமையாக சாடினார், மேலும் ராமர் வம்சத்தில் இருந்து வந்தவர் என்பதால் ஆளும் கட்சியும் ராமரைப் பற்றி அதையே சொல்லுமா என்று கேட்டார்.

நீங்கள் (பாஜக) 'பரிவார்வாத்' பற்றி பேசுகிறீர்கள், ராமர் யார் என்று நான் கேட்க விரும்புகிறேன்? அவர் பரிவாரவாதியா, அல்லது பாண்டவர்கள் பரிவாரவாதியா? என் குடும்பம் நாட்டுக்காகப் போராடியதற்காக நாம் வெட்கப்பட வேண்டுமா? எனது குடும்பம் இந்த நாட்டின் ஜனநாயகத்தை அவர்களின் இரத்தத்தால் வளர்த்தெடுத்துள்ளது” என்று பிரியங்கா கூறினார்.

காங்கிரஸ் நாடாளுமன்ற உறுப்பினர் சசி தரூர், இந்த சத்தியாகிரகம் காங்கிரஸ் அல்லது ராகுல் காந்திக்கு மட்டுமல்ல, இந்திய ஜனநாயகம் பற்றியது என்றார்.