நாம்தமிழர் கட்சி வேட்பாளர் தேர்வு- பெண்களுக்கு முக்கியத்துவம்

வரும் தமிழக சட்டமன்றத் தேர்தலில் போட்டியிடும் 234 வேட்பாளர்களையும் ஒரே மேடையில் நாம் தமிழர் கட்சி அறிமுகம் செய்துள்ளது.

சென்னை ராயப்பேட்டை ஒய்.எம்.சி.ஏ. திடலில் நேற்று (7 ம் தேதி) இரவு நடைபெற்ற பொதுக்கூட்டத்தில் ஒரே மேடையில் நாம் தமிழர் கட்சி வேட்பாளர்கள் அனைவரும் அறிமுகம் செய்யப்பட்டனர். இதற்காக 234 தொகுதிகளிலும் போட்டியிட உள்ள வேட்பாளர்களை அந்த கட்சியின் தலைமை ஒருங்கிணைப்பாளர் சீமான் தேர்வு செய்துள்ளார்.

இந்த தேர்தலிலும் 117 பெண் வேட்பாளர்களை நிறுத்தியுள்ளார். இது மொத்த சட்டமன்ற தொகுதிகளின் எண்ணிக்கையில் சரிபாதி என்பது குறிப்பிடத்தக்கது. இதேவேளை, சென்னை திருவொற்றியூர் தொகுதியில் சீமான் போட்டியிடுகிறார் என நாம் தமிழர் கட்சி சார்பில் அறிவிக்கப்பட்டுள்ளது.