எதை செய்தாலும் முழுசா செய்ங்கப்பா..! வாழ்க்கை நல்லா இருக்கும்..!

Mindful Eating,Yoga Practice,Connection,Body,Food,Yoga

அறிமுகம்

உணவை ரசித்து உண்பதும், யோகா செய்வதும் நம்மை ஆரோக்கியமான வாழ்வு வாழ வைக்க கூடிய பழக்க வழக்கங்கள். இந்த இரண்டு பழக்கங்களையும் ஒருமித்து செய்வதன் மூலம் நம்முடைய உடல் நலத்திலும், மன நலத்திலும் சிறந்த முன்னேற்றத்தை காணலாம். விழிப்புணர்வுடன் உணவு உண்ணுதல் (mindful eating), யோகா பயிற்சிகளுடன் இணைந்து செயல்படும் போது, நாளடைவில் ஏற்படக்கூடிய நன்மைகளை இந்த கட்டுரை விளக்குகிறது.

Mindful Eating,

விழிப்புணர்வுடன் உணவு உண்ணுதல் (Mindful Eating) என்றால் என்ன?

நாம் உண்ணும் உணவில் முழு கவனத்தையும் செலுத்தி, அதனுடைய சுவை, நிறம், மணம், தன்மை போன்றவற்றை ரசித்து உண்பதே விழிப்புணர்வுடன் உணவு உண்ணுதல். மனஅழுத்தம், பதற்றம் இல்லாமல் நிதானமாக உணவு உண்பதன் மூலம் நம்முடைய உடல் பசித்திருக்கிறதா அல்லது உணவை உண்ணும் ஆசை வந்துள்ளதா போன்ற சமிக்ஞைகளை தெளிவாக உணர முடியும். இதனால், அதிகமாக உணவு உண்பதை தவிர்க்கலாம். எனவே, விழிப்புணர்வுடன் உணவு உண்பது ஆரோக்கியமான எடையை பராமரிக்கவும், உணவை நன்கு செரிக்கவும் உதவும்.

யோகா பயிற்சிகள்

ஆசனங்கள் (உடற்பயிற்சிகள்), பிராணாயாமம் (மூச்சுப்பயிற்சி), தியானம் போன்றவற்றை உள்ளடக்கியது யோகா. இந்தியாவில் பல்லாயிரம் ஆண்டுகளாக பின்பற்றப்பட்டு வருகிறது. யோகா பயிற்சிகள் செய்வதன் மூலம், உடலுக்கு தேவையான வலிமையும், நெகிழ்வுத்தன்மையும் கிடைக்கிறது. மனம் தெளிவாகிறது. மன அழுத்தம் குறைகிறது.

Mindful Eating,

இந்த இரண்டு பயிற்சிகளையும் இணைப்பதால் என்ன பயன்?

உடல் நலன் மேம்படுதல்: விழிப்புணர்வுடன் உணவு உண்பது, ஆரோக்கியமான எடையை பராமரிக்க உதவுகிறது. யோகா பயிற்சிகள் உடல் தசைகளை வலுப்படுத்துகிறது. இதய ஆரோக்கியத்தை மேம்படுத்துகிறது. இம்யூனிட்டி பவரை அதிகரிக்கிறது. இந்த இரண்டு பயிற்சிகளையும் இணைத்து செய்வதால் உடல் நலத்தில் ஒருங்கிணைந்த முன்னேற்றத்தை காண முடியும்.

மன நலன் மேம்படுதல்: விழிப்புணர்வுடன் உணவு உண்ணுதல், உணவின் மீது உள்ள அதீத ஆசையை குறைக்கிறது. உடலின் தேவைகளை உணர்ந்து சரியான அளவு உணவை உண்பதற்கு வழி வகுக்கிறது. யோகா செய்வது மன அழுத்தம், பதற்றம், சோர்வு போன்றவற்றை கட்டுப்படுத்தி மன ஒருநிலையை வளர்க்கிறது. இந்த இரண்டு பயிற்சிகளையும் இணைக்கும் போது மன அமைதியையும், மனதில் தெளிவையும் பெற முடியும்.

Mindful Eating,

உணவுக்கு நன்றி தெரிவித்தல்: யோகா செய்பவர்கள், தங்களுடைய உடல் மற்றும் மன ஆரோக்கியத்தை மேம்படுத்துவதற்கு உதவும் உணவுக்கு அடிக்கடி நன்றி தெரிவிப்பர். உணவுக்கு நன்றி தெரிவிப்பது விழிப்புணர்வை அதிகரிக்கிறது. இதனால் நாம் ஆரோக்கியமான உணவு பழக்கங்களை கடைபிடிக்க தேவையான ஊக்கம் கிடைக்கிறது.

விழிப்புணர்வுடன் உணவு உண்ணுவது எப்படி?

• உணவு உண்ணும் போது டிவி, செல்போன், லேப்டாப் போன்றவற்றை அருகில் வைக்க வேண்டாம்.
  
• நன்கு பசித்திருக்கும் போது மட்டும் உணவு உண்ண வேண்டும்.
• ஒவ்வொரு கவளம் உணவையும் நிதானமாக மென்று முழுங்கவும்.
  
• உணவின் நிறம், மணம், சுவை, தன்மை போன்றவற்றை ரசித்து உண்ணவும்.
  
• உணவை உண்ணும் போது அதை பற்றி மட்டும் தான் சிந்திக்க வேண்டும்.
  
• உடல் நிறைய உணவு உண்டுவிட்டோம் என்ற சமிக்ஞையை கொடுத்ததும் உணவை நிறுத்தி விட வேண்டும்.
  

Mindful Eating,

செய்யக்கூடிய யோகா ஆசனங்கள்

வஜ்ராசனம் (Thunderbolt Pose): சம்மணம் போட்டு அமர்வதற்கு பதில், முழங்கால்களை மடக்கிய நிலையில், பாதங்கள் தொடைகளுக்கு அடியில் இருக்கும் படி அமர்தலே வஜ்ராசனம். இந்த ஆசனம் உணவு செரிமானம் ஆவதற்கு உதவுகிறது. வஜ்ராசனம் செய்து முடித்தவுடன் உணவு உண்ணலாம் அல்லது உணவு உண்ட பிறகு இந்த ஆசனத்தில் சிறிது நேரம் அமரலாம்.

பவன்முக்தாசனம் (Wind-Relieving Pose): முதுகில் படுத்து, முழங்கால்களை மடக்கி, தொடைகளை நெஞ்சோடு அணைத்து பிடிப்பதே பவன்முக்தாசனம். இந்த ஆசனம் வயிறு உப்புசம், வாயு தொல்லை போன்றவற்றை சரி செய்யும். உணவு செரிமானத்திற்கும் உதவும்.

Mindful Eating,

விழிப்புணர்வுடன் உணவு உண்ணுதலும், யோகா பயிற்சிகளும் உடல், மன ஆரோக்கியத்தை மேம்படுத்த நல்ல பலன்களை தரக்கூடியவை. இந்த இரண்டு பழக்க வழக்கங்களையும் தினம் கடைபிடித்து வந்தால், நம்முடைய ஆரோக்கியமான எடை இலக்கை அடையவும், மனதில் தெளிவுடன் வாழ்க்கையில் சாதிக்கவும் முடியும்.