Love Meaning in Tamil-அன்பு, காதல் என்பதில் எது வேண்டும்?

Love Meaning in Tamil

அன்பைப் புரிந்துகொள்வது

அன்பு என்பது அனைத்து உயிரினங்களாலும் உணரப்படும் ஒரு சக்திவாய்ந்த உணர்வு. இது நம்மை இணைக்கும் ஒரு பிணைப்பாகும். மற்றவர்களிடம் ஆழமாக அக்கறை செலுத்துவதை வலியுறுத்துகிறது. குடும்பம் முதல் நண்பர்கள் வரை, நாம் வெவ்வேறு வடிவங்களில் அன்பை அனுபவிக்கிறோம். அன்பை பகிர்கிறோம்.

Love Meaning in Tamil

அன்பின் வகைகள்

அன்பினை பல வகைகளாகக் கூறலாம். நாங்கள் எங்கள் குடும்பத்தை நிபந்தனையின்றி நேசிக்கிறோம், எங்கள் நண்பர்களை ஆழமாக நேசிக்கிறோம், எங்கள் செல்லப்பிராணிகளை விசுவாசமாக நேசிக்கிறோம். இது அன்பின் பன்முகத்தன்மையைக் காட்டுகிறது. அப்படி எனில் அன்புக்கு மனம் மட்டுமே வேண்டும். அது உருவம் பார்க்காது, ஜாதி பார்க்காது, ஆண், பெண் பேதைமை பார்க்காது. எல்லா உயிரினத்தின் மீதும் அன்பு பரிணமிக்கிறது.

Love Meaning in Tamil

அன்பு இல்லாத வாழ்க்கை

அன்பு இல்லாத வாழ்க்கை பாலைவனத்தில் நீரின்றி வாடும் உயிரினங்களைப்போன்றது. அன்பு இல்லாத வாழ்க்கை அறம் இல்லாத வாழ்க்கை. திருவள்ளுவர் அவரது ஈரடிக் கூற்றில் இவ்வாறு கூறுகிறார்.

அன்பிலார் எல்லாம் தமக்குரியர் அன்புடையார்

என்பும் உரியர் பிறர்க்கு

அன்பில்லாதவர் எல்லாமே தமக்கு உரிமை என்று நினைப்பர்; அன்பு உடையவரோ தம் எலும்பையும் பிறருக்கு உரியதாக்கி மகிழ்வர் .

அன்புஈனும் ஆர்வம் உடைமை அதுஈனும்

நண்பென்னும் நாடாச் சிறப்பு

குடும்பம், உறவு என்பாரிடத்துக் கொள்ளும் அன்பு, உலகத்தவரிடம் எல்லாம் உறவு கொள்ளும் விருப்பை உண்டாக்கும். அதுவே அனைவரையும் நட்பாக்கும் சிறப்பையும் உண்டாக்கும்.

என்பி லதனை வெயில்போலக் காயுமே

அன்பி லதனை அறம்

எலும்பில்லாத புழுப்பூச்சிகளை வெயில் காய்ந்து வருத்துவது போல, அன்பில்லாதவனை அறமானது காய்ந்து வருந்தச் செய்யும்

இப்படி அன்புக்கு விளக்கம் கூறுகிறார், வள்ளுவர்.

Love Meaning in Tamil

அன்பின் சக்தி

அன்பு மகிழ்ச்சியையும், ஆறுதலையும், அரவணைப்பையும் தரக்கூடியது. இது காயங்களைக் குணப்படுத்தி அமைதியைக் கொண்டுவரும். அன்பின் சக்தி உண்மையிலேயே மந்திரமானது.

உள்ளத்தால் வருந்தி வாழமுடியாத நிலையில் இருக்கும் ஒருவர் மீது அன்பு செலுத்தினால் அந்த அன்பு அவரை மீண்டு உயிர் வாழவைக்கும். அன்பு என்பது கருணையின் மறு வடிவம்.

Love Meaning in Tamil

காதல் சவாலானது

காதல் எப்போதும் எளிதானது அல்ல. இது வலியையும் மன வேதனையையும் தரக்கூடியது. ஆனால் இந்த சவால்களை சமாளிப்பது அன்பை பலப்படுத்துகிறது. காதல் இரு மனங்களை இணைக்கும் பாலமாகும். காதல் கிடைத்தால் மகிழ்ந்துபோகும்.

ஆனால், காதலை இழந்தால் வேதனை மட்டுமே மிகுதியாகும். ஆனாலும் காதலும் அன்பின் வடிவமே. அதனால்தான் காதலின் அடையாளம் இதயமாக உள்ளது.

சிலரது வாழ்க்கையை உச்சத்துக்கு கொண்டு செல்லும், ஒரு சிலரது வாழ்வை மோசமான நிலைக்கு கொண்டு சென்றுவிடும். அது அவரவர் தேர்ந்தெடுக்கும் நபர்களைப் பொறுத்தே அமையும். ஆனால், இரும்பு இதயத்தையும் உருக வைக்கும் சக்தி காதலைத் தவிர வேறு ஒன்றுக்கும் இல்லை என்பது உண்மை.

அன்பு அனைத்தையும் மாற்றியமைக்கும் சக்தி பெற்றது. அதில் எந்தவித சுயநலமோ போலித்தன்மையோ இருக்காது.

எதிர்பார்ப்பற்ற அன்பு

இருவருமே எந்தவிதமான எதிர்ப்பார்ப்புமின்றி அன்பை பரிமாறிக்கொள்ள வேண்டும். நிபந்தனைகளற்ற அன்பே உறவுகளை வலுப்படுத்துகிறது. அவ்வாறான அன்பு உங்களிடம் இருந்தால் நீங்கள் உங்கள் காதலன் அல்லது காதலியை அதிகமாக நேசிக்கிறீர்கள் என்று அர்த்தம்.

துணையாக இருத்தல்

தனது துணையின் மீது உண்மையான அக்கறை கொள்வதும், அவர்களது உணர்வுகளை புரிந்து கொள்வதும், அவர்கள் எதிர்கொள்ளும் கடினமான காலத்தில் அவர்களோடு இருப்பதும் மிகவும் முக்கியமாகும்.

உதவி

தன்னால் முடிந்தளவு தனது துணைக்கு உதவியாக இருப்பது. அவர்களின் தேவை என்னவென்று புரிந்து தனது முழு ஒத்துழைப்பையும் கொடுக்க வேண்டும்.

கடல் நீரில் கிடைக்கும் உப்பு எங்கு இருக்கிறது என்பதை நாம் தண்ணீராக இருக்கும்போது பார்க்க முடியாது. அதுபோலத்தான் அன்பும் காதலும்.