Woman Punches Husband To Death: பிறந்தநாளில் துபாய்க்கு அழைத்துச் செல்லாத கணவனை அடித்துக் கொன்ற மனைவி

Woman Punches Husband To Death: மகாராஷ்டிர மாநிலம், புனேவில், வானவ்டி பகுதியில் உள்ள ஒரு ஆடம்பரமான குடியிருப்பில், 36 வயதான உள்ளூர் தொழிலதிபர் நிகில் கண்ணா, அவரது மனைவியால் தாக்கப்பட்டதில் உயிரிழந்தார்.

தனது பிறந்தநாள் கொண்டாட்டத்திற்காக துபாய்க்கு அழைத்துச் செல்ல மறுத்ததால் மனைவி மூக்கில் குத்தியதில் 36 வயது தொழிலதிபர் உயிரிழந்த சம்பவம் அதிர்ச்சியை ஏற்படுத்தியுள்ளது.

கட்டுமான துறையில் தொழிலதிபரான நிகில் கண்ணா என அடையாளம் காணப்பட்ட இவர், தனது மனைவி ரேணுகா (38) என்பவரை ஆறு ஆண்டுகளுக்கு முன்பு காதல் திருமணம் செய்து கொண்டார்.

இதுகுறித்து வானவடி காவல்நிலையத்தில் உள்ள மூத்த போலீஸ் அதிகாரி ஒருவர் கூறுகையில், வெள்ளிக்கிழமை மதியம் இந்த சம்பவம் நடந்துள்ளது. முதல்கட்ட விசாரணையில், ரேணுகாவை பிறந்தநாள் கொண்டாட நிகில் துபாய்க்கு அழைத்துச் செல்லாததால் தம்பதி இடையே சண்டை ஏற்பட்டதாக தெரியவந்துள்ளது. தனது பிறந்தநாள் மற்றும் ஆண்டுவிழாவில் விலை உயர்ந்த பரிசுகளை வழங்கவில்லை. உறவினர்கள் சிலரின் பிறந்தநாளை கொண்டாட டெல்லி செல்ல வேண்டும் என்ற தனது விருப்பத்திற்கு சாதகமாக பதில் அளிக்காததால் ரேணுகாவும் நிகிலிடம் வருத்தமடைந்தார்.

மேலும், சண்டையின் போது ரேணுகா நிகிலின் முகத்தில் குத்தினார். குத்தியதில் பலமாக இருந்ததால் நிகிலின் மூக்கு மற்றும் சில பற்கள் உடைந்தன. அதிக ரத்தப்போக்குடன் நிகில் சுயநினைவை இழந்தார் என்று போலீசார் தெரிவித்தனர்.

இதற்கிடையில், போலீசார் ரேணுகா மீது ஐபிசி 302 பிரிவின் கீழ் வழக்கு பதிவு செய்து, மேல் விசாரணைக்காக அவரை கைது செய்துள்ளனர்.