ரயில்வே பணியாளரின் சாதுர்ய செயல்பாட்டால் பெரும் விபத்து தவிர்ப்பு..!

Train Accident Averted on Konkan Railway Route,Udupi,Konkan Railway,Track Maintainer,Pradeep Shetty,Track Weld Failure,Vigilant Staffer Notices Defect on Track

உடுப்பி அருகே கொங்கன் இரயில் பாதையில், தண்டவாளப் பராமரிப்பாளர் பிரதீப் ஷெட்டியின் விழிப்புணர்வின் காரணமாக, ஏற்படவிருந்த பெரிய ரயில் பேரழிவு தவிர்க்கப்பட்டது. இன்று (ஞாயிற்றுக்கிழமை) அதிகாலை, 2.25 மணியளவில், இன்னாஞ்சே மற்றும் படுபித்ரிக்கு இடையே ஒரு டிராக் வெல்ட் பழுதடைந்ததை ஷெட்டி கண்டுபிடித்தார்.

Train Accident Averted on Konkan Railway Route

அவர் உடனடியாக சம்பந்தப்பட்ட அதிகாரிகளிடம் குறைபாடு குறித்து உடனடியாக புகாரளித்தார். அவர் செய்த் நன்மையால் ஏற்படவிருந்த ரயில் விபத்து முற்றிலும் தவிர்க்கப்பட்டது. கொஞ்சம் அஜாக்கிரதையாக அந்த குறைபாட்டை அவர் கவனிக்காமல் இருந்திருந்தால் கூட என்ன நடந்திருக்கும் என்று கற்பனை செய்து கூட பார்த்திருக்க முடியாது.

தண்டவாளத்தில் உள்ள குறைபாடுகள் விரைவாக சரி செய்யப்பட்டு, அதிகாலை 5.58 மணிக்கு, அந்த வழியாக ஓடும் ரயில்களுக்கு மணிக்கு 20 கி.மீ வேகக் கட்டுப்பாட்டுடன் டிராக்-ஃபிட் சான்றிதழ் வழங்கப்பட்டது.

கொங்கன் ரயில்வே கார்ப்பரேஷன் லிமிடெட்டின் தலைவர் மற்றும் நிர்வாக இயக்குநர் சந்தோஷ் குமார் ஜா, ஷெட்டியின் விரைவான நடவடிக்கையை பாராட்டி உடனடியாக ரூ. 25,000 ரொக்கப் பரிசாக அறிவித்தார். பிற்பகலில் மீட்டெடுக்கப்பட்ட பாதை தளத்தில் ஷெட்டிக்கு விருது வழங்கப்பட்டது.

கார்வார் செல்லும் பஞ்சகங்கா விரைவு வண்டியில் பயணித்த விஷால் ஷெனாய், படுபித்ரிக்கு தெற்கே சுமார் 9 கிமீ தொலைவில் உள்ள நந்திக்கூர் ஸ்டேஷனில் ரயில் நிறுத்தப்பட்டதாக விவரித்தார். அதே நேரத்தில், திருவனந்தபுரம் சென்ட்ரல் செல்லும் நேத்ராவதி எக்ஸ்பிரஸ் இன்னாஞ்சேவில் நிறுத்தப்பட்டது. ஷெனாய், தண்டவாள மறுசீரமைப்பு பணிக்காக படுபித்ரி நோக்கிச் செல்லும் ரயில் பராமரிப்பு வாகனத்தை கவனித்தார்.

Train Accident Averted on Konkan Railway Route

ரயில் எண் 16345, மும்பை எல்டிடி-திருவனந்தபுரம் சென்ட்ரல் நேத்ராவதி எக்ஸ்பிரஸ், உடுப்பியில் இருந்து அதிகாலை 3 மணிக்குப் புறப்படத் திட்டமிடப்பட்டது, அதே நேரத்தில் ரயில் எண் 16595, கேஎஸ்ஆர் பெங்களூரு-கார்வார் பஞ்சகங்கா எக்ஸ்பிரஸ், ஞாயிற்றுக்கிழமை அதிகாலை 4 மணியளவில் பாதிக்கப்பட்ட பகுதியைக் கடந்து செல்லவிருந்தது.

Train Accident Averted on Konkan Railway Route

தண்டவாளக் கோளாறை சரிசெய்யும் வரை இரண்டு ரயில்களும் நிறுத்தப்பட்டிருந்தன. கொங்கன் ரயில்வேயின் மக்கள் தொடர்பு மேலாளர் சுதா கிருஷ்ணமூர்த்தி, வேகக் கட்டுப்பாடு நடைமுறையில் இருந்தாலும், பாதுகாப்பான இயக்கத்திற்கான சான்றிதழைப் பெற்ற பிறகு ரயில் போக்குவரத்து மீண்டும் தொடங்கப்பட்டது என்பதை உறுதிப்படுத்தினார். எனினும், தண்டவாளக் கோளாறுக்கான காரணத்தை கொங்கன் ரயில்வே அதிகாரிகள் இதுவரை வெளியிடவில்லை என்பது குறிப்பிடத்தக்கது.