இஞ்சியில் உள்ள அழற்சி எதிர்ப்பு பண்புகள் நுரையீரல் வீக்கத்தைக் குறைக்க உதவுகின்றன. எலுமிச்சையில் உள்ள வைட்டமின் சி நோய் எதிர்ப்பு சக்தியை அதிகரிக்கிறது.

மஞ்சள் பால், கோல்டன் மில்க் என்று அழைக்கப்படுகிறது. தங்கத்துக்கு இணையான சத்துக்கள் மஞ்சளில் உள்ள குர்குமின் என்னும் ஆன்டி ஆக்சிடண்ட்டில் இருக்கிறது. இதிலுள்ள அழற்சி எதிர்ப்பு பண்புகள் மற்றும் நுண்ணுயிர் எதிர்ப்பு பண்புகள் நுரையீரலில் இன்ஃபிளமேஷன்கள் உண்டாவதைத் தடுத்து பலப்படுத்துகிறது.

கேரட்டில் உள்ள பீட்டா கரோட்டின் நுரையீரலை நச்சுத்தன்மையாக்க உதவுகிறது. பீட்ரூட்டில் உள்ள நைட்ரேட்டுகள் நுரையீரலின் இரத்த நாளங்களைத் திறக்க உதவுகிறது.

ஆரஞ்சு ஜூஸில் வைட்டமின் சி மற்றும் ஆன்டி ஆக்சிடண்ட்டுகள் அதிகமாக இருக்கின்றன. அதோடு இதிலுள்ள அழற்சி எதிர்ப்பு பண்புகளும் கொலாஜன் உற்பத்தியும் நுரையீரலை ஆரோக்கியமாக வைத்திருக்க உதவி செய்கிறது.

ப்ளூபெர்ரி ஸ்மூத்திகள் நுரையீரலை சுத்தம் செய்வதற்கு ஏற்ற மிகச்சிறந்த தீர்வு என்று சொல்லலாம். பெர்ரி வகை பழங்களில் ஆன்டி ஆக்சிடண்ட்டுகள் நிறைந்து இருக்கின்றன. அவை நுரையீரலில் ஏதேனும் இன்ஃபிளமேஷன்கள், வீக்கம் மற்றும் சளித் தொல்லையைக் குறைக்க உதவும்.

புதினா ஆண்டிசெப்டிக் பண்புகளைக் கொண்டுள்ளது, இது சுவாசக் குழாயை சுத்தம் செய்ய உதவுகிறது. அன்னாசிப்பழத்தில் உள்ள ப்ரோமெலைன் என்ற நொதி நுரையீரலில் தேங்கியிருக்கும் சளியை அகற்ற உதவுகிறது.