எலுமிச்சை இலையின் ரகசியம்.... நோய் எதிர்ப்பு சக்தியை அதிகரிக்க இது ஒன்னு போதும் !..

எலுமிச்சை பழம் உடலுக்கு எவ்வளவு நல்லது என்பதை அறிவோம். அது போல் எலுமிச்சை இலையும் சாப்பிடக்கூடியதே என்பது தெரியுமா? சிட்ரஸ் பழங்களான ஆரஞ்சு மற்றும் எலுமிச்சை இலைகளை சாப்பிடுவது நல்லது என்று சொல்லப்படுகிறது. அதே நேரம் இலைகள் பூச்சிக்கொல்லிகள் அல்லது பிற இராசயனங்கள் இந்த தாவரத்தில் படாத வரை அவை நச்சுத்தன்மையற்றவை என்பதையும் கவனத்தில் கொள்ள வேண்டும். எலுமிச்சை இலைகள் என்ன மாதிரியான நன்மைகளை அளிக்கிறது, அதை எப்படி சாப்பிடலாம் என்பது குறித்து தெரிந்துகொள்வோம்.

சிட்ரஸ் பழங்களில் ஒன்றான எலுமிச்சை இலைகள் அற்புதமான வாசனை கொண்டவை . இவை கசப்பும் இலேசான புளிப்புத்தன்மையும் கொண்ட நார்ச்சத்து மிக்கவை, நறுமணம் கொண்டவை. இது ஆரோக்கியத்தை மேம்படுத்தும் நன்மைகளை கொண்டுள்ளன. மேலும் , இவைகள் உடலில் வெப்பத்தை குறைக்கவும், உடலில் உள்ள அழற்சிகளைத் தவிர்க்கவும் உதவுகின்றன.எலுமிச்சை இலையின் ஊட்டச்சத்துக்கள் மற்றும் அதன் நன்மைகள் எப்படி பயன்படுத்துவது என்பது குறித்து விளக்கமாக பார்க்கலாம்.

​எலுமிச்சை இலையில் இருக்கும் சத்துக்கள்​

எலுமிச்சை இலைகள், பல்வேறு சத்துக்களைப் பெற்றுள்ளன. இவை மருத்துவப் பயன்களைக் கொண்டுள்ளது. இவை உடலுக்கு தேவையான முக்கிய சத்துக்களை வழங்குவதால், ஆரோக்கியம் மற்றும் நோய் எதிர்ப்பு சக்தியை மேம்படுத்த உதவுகின்றன. அவற்றில் உள்ள சத்துக்கள் ,

♦ எலுமிச்சை போன்று எலுமிச்சை இலையில் வைட்டமின் சி நிறைந்துள்ளது.

♦ இதன் இலையில் சிட்ரல், சினியோல், லிமோனென், டானின்கள் மற்றும் ஃப்ளவனாய்டுகள் உள்ளன.

♦ எலுமிச்சை இலையில் லிமோனீன் மற்றும் மோனோடெர்பீன் கலவைகள் நிறைந்துள்ளன.

♦ இதன் ஆன்டிஸ்கார்புடிக் பண்புகள் தொற்று எதிர்ப்பு தன்மை கொண்டது.

♦ எலுமிச்சை இலையில் பல ஃப்ளவனாய்டுகள், கரோட்டினாய்டுகள் மற்றும் கூமரின்கள் உள்ளன.

♦ எலுமிச்சை பழம் மற்றும் தோல் போன்று எலுமிச்சை இலையும் எடையை குறைக்க செய்யும்.

♦ எடையை ஒழுங்கப்படுத்த செய்யும்.

எலுமிச்சை இலை உடல் நச்சு நீக்கியாக செயல்படுமா?​

உடலில் நச்சு நீக்கம் என்பது ஃப்ரீ ரேடிக்கல்களை நீக்கி உடல் ஆரோக்கியத்தை மேம்படுத்தும் அவசியமான செயல்முறை. எலுமிச்சை இலையில் உள்ள ஃபினாலிக் கலவைகள் ஃப்ரீரேடிக்கல்களுக்கு எதிராக உடலை பாதுகாக்கும். இதனால் உடல் நோயெதிர்ப்பு மண்டலம் வலுப்படுத்தும். இது க்ரீன் டீக்கு இணையான ஆக்ஸிஜனேற்ற செயல்பாடு கொண்டுள்ளது, அதே நேரம் க்ரீன் டீ போன்று கசப்பு தன்மை இல்லை.

நோயெதிர்ப்பு சக்தியை அதிகரிக்கும் எலுமிச்சை இலை​

இலைகளில் உள்ள வைட்டமின் C மற்றும் ஆன்டி-ஆக்சிடன்ட் பண்புகள், நோயெதிர்ப்பு சக்தியை அதிகரிக்க உதவுகின்றன. இது உடலை நோய் மற்றும் கிருமிகளை எதிர்க்கவும் வலுப்படுத்தும்.2021 ஆம் ஆண்டு தேசிய மருத்துவ நூலகத்தால் வெளியிடப்பட்ட ஆய்வின் படி எலுமிச்சை சாற்றில் ஏராளமான ஃப்ளவனாய்டுகள் மற்றும் வைட்டமின்கள் நிறைந்துள்ளன. எலுமிச்சை சாறு போன்று எலுமிச்சை கலவைகளிலும் இவை நிறைந்துள்ளன. இது உடலில் பாக்டீரியா மற்றும் வைரஸ் நோய்களுக்கு எதிரான பாதுகாப்பை அதிகரிக்கும் வகையில் நோயெதிர்ப்பு சக்தியை அதிகரிக்கின்றன.

எலுமிச்சை இலை மன அழுத்தத்தை போக்க செய்யும்​

எலுமிச்சை இலைகள் மன அழுத்தம் மற்றும் மனச்சோர்வை குறைக்க உதவுகின்றன. அவை அமைதியளிக்கும் தன்மைகளை கொண்டுள்ளதால் சளி, வாந்தி மற்றும் தலைவலி போன்ற பிரச்சனைகளை குறைக்கவும் உதவுகின்றன.மன அழுத்தம் அதிகமுள்ள சூழலில் அதை குறைக்க எலுமிச்சை இலைகளும் உதவும். எலுமிச்சை இலை உடலில் உள்ள ஹார்மோன் அளவை நேரடியாக பாதிக்கிறது. எலுமிச்சையின் நறுமணம் நரம்பு தூண்டுதலில் நேர்மறை பாதிப்பை உண்டு செய்து மனநிலையை மேம்படுத்துகிறது. இதனால் கவலை மற்றும் மனச்சோர்வு போன்ற பிரச்சனைகளின் தீவிரம் குறையும்.

எலுமிச்சை இலை அழற்சி எதிர்ப்பு பண்புகள்​

உடலில் உண்டாகும் அழற்சியின் அளவை குறைக்க எலுமிச்சை இலை உதவும். கீல்வாதம், நாள்பட்ட அழற்சி பிரச்சனைகள் போன்ற அழற்சி எதிர்ப்புக்கு இந்த இலை நன்மை செய்யும். இந்த கீல்வாதம் போன்ற அழற்சி நோய்களை முழுமையாக குணப்படுத்த முடியாது என்றாலும் அறிகுறிகளை குறைக்க இவை நிச்சயம் உதவும். இது அழற்சி எதிர்ப்பு மற்றும் ஆக்ஸிஜனேற்ற பண்புகளை கொண்டுள்ளது.

எலுமிச்சை இலை ஆன்டி ஆக்சிடன்ட் நிறைந்தவை​

எலுமிச்சை இலை ஆன்டி ஆக்சிடன்ட்கள் அதிகம் கொண்டவை. இதில் வைட்டமின் சி, ஃப்ளவனாய்டுகள் மற்றும் பினாலிக் அமிலங்கள் போன்ற ஆக்ஸிஜனேற்றங்கள் நிறைந்த சிறந்த ஒன்று. 2023 ஆம் ஆண்டு தேசிய மருத்துவ நூலகத்தால் வெளியிடப்பட்ட ஆய்வில் சிட்ரஸ் இலைகள் சிட்ரல் மற்றும் லிமோனின் கலவைகள் நிறைந்ததாக கண்டறியப்பட்டுள்ளன. இது அதிக ஆக்ஸிஜனேற்ற பண்புகளை கொண்டதாக வகைப்படுத்தப்படுகின்றன. இது உடலில் உள்ள ஃப்ரீ ரேடிக்கல்களை கட்டுப்படுத்துவதன் மூலம் நாள்பட்ட நோய் அபாயத்தை தடுக்க செய்யும்

அஜீரணக்கோளாறை சரி செய்யும் எலுமிச்சை இலை​

எலுமிச்சை இலைகள், வெறும் வாசனையுடன் மட்டுமல்ல, பல மருத்துவ நன்மைகளையும் கொண்டுள்ளன. குறிப்பாக, அஜீரணக்கோளாறுகள் மற்றும் செரிமானப் பிரச்சனைகள் சந்திக்கிறவர்கள் எலுமிச்சை இலைகளை பயன்படுத்துவதன் மூலம் அரிய பயன்களை பெறலாம்.

எலுமிச்சைஇலையில் உள்ள ஆன்டிஸ்பாஸ்மோடிக் பண்புகள் வயிற்று ஆரோக்கியத்தை மேம்படுத்துகிறது. இரைப்பை குடலை தளர்த்துகிறது. எரிச்சல் கொண்ட குடல் நோய்க்குறி, அஜீரணம், பிடிப்புகள் அல்லது வீக்கம் போன்ற அறிகுறிகளை குறைக்க செய்கிறது. செரிமான மண்டலம் சீராக இயங்குவதை சரி செய்கிறது. மேலும் வயிறு வீக்கம், வாயு அஜீரணம் போன்ற பிரச்சனைகளை சரி செய்து கழிவுப்பொருள்கள் வெளியெற செய்கிறது.

​சுவாசப்பிரச்சனைகளுக்கு உதவும் எலுமிச்சை இலை​

எலுமிச்சையின் நறுமண பண்பு சுவாசநோய்க்கு எதிர்மறையாக செயல்படும். சளி. இருமல், சைனஸ் போன்ற பிரச்சனைகளின் போது மூக்கு அடைப்பு, சுவாசிப்பதில் சிரமம், மார்பு நெரிசல் போன்ற பிரச்சனைகளை உணரலாம். அப்போது எலுமிச்சை இலை கலந்த நீராவி பிடிப்பது நெரிசலை போக்கி சுவாசத்தை மேம்படுத்தும். சில நேரங்களில் சுவாச பிரச்சனையால் வாய் துர்நாற்றம் உண்டாகும். இந்த வாய்வழி பிரச்சனைகள் அனைத்துக்கும் எலுமிச்சை இலை உதவும். புத்துணர்ச்சியும் நறுமணமும் கொண்ட எலுமிச்சை இலை வாய் துர்நாற்றத்தை போக்க செய்யும். மேலும் இதில் உள்ள நுண்ணுயிர் எதிர்ப்பு பண்புகள் பல் துவாரங்கள், ஈறு தொடர்பான நோய்களை தடுக்கவும் செய்கின்றன.

எடை இழப்பை மேம்படுத்தும் எலுமிச்சை இலை​

எலுமிச்சை இலைகள், உடல் எடையை குறைக்கவும், மென்மையாகவும் ஒரு பரந்த அளவிலான மருத்துவ நன்மைகளை வழங்குகின்றன. இவை அழுத்தத்தை குறைத்து, மென்மையான செரிமானத்தை மேம்படுத்துவதன் மூலம், உடல் எடையை குறைக்க உதவுகின்றன.உடலில் இருக்கும் கழிவுகள் மற்றும் நச்சுக்களை வெளியேற்றுவதன் மூலம் இது வளர்சிதை மாற்றத்தை மேம்படுத்துகிறது. ஆய்வு ஒன்றில் செம்பருத்தி மற்றும் எலுமிச்சை இலை கலந்த தேநீர் எடை இழப்புக்கு உதவும் என்று கண்டறியப்பட்டுள்ளது.

​மைக்ரேன் தலைவலியை குணப்படுத்தும் எலுமிச்சை இலை​

ஒற்றைத்தலைவலி அல்லது மைக்ரேன் தலைவலி என்னும் நிலையில் அதை கட்டுப்படுத்த எலுமிச்சை இலை உதவும். இதன் பாலிஃபினால் கலவைகள் தீங்கு விளைவிக்கும் ஃப்ரீ ரேடிக்கல்களை அகற்ற செய்கின்றன. இதனால் தலை, முகம் மற்றும் நாசிப்பாதைகளில் உண்டாகும் வீக்கம் குறைக்கப்படுகிறது. இதனால் ஆற்றல் அதிகரிக்கும் போது வலி உணர்வு கட்டுப்படுத்தப்படுகிறது. மேலும் எலுமிச்சை இலையின் நறுமணம் மற்றும் இதில் உள்ள அதிக அளவு ஆக்ஸிஜனேற்றம் உற்சாகத்தை அளிக்கிறது. ஒற்றைத்தலைவலியை குணப்படுத்த முடியாது என்றாலும் இதன் தீவிரத்தை குறைக்கலாம்.

இரத்த சர்க்கரை அளவை கட்டுப்படுத்தும் எலுமிச்சை இலை

எலுமிச்சை இலையில் இருக்கும் பாலிபினால்கள் இன்சுலின் உணர்திறனை மேம்படுத்தும் என்று சொல்லப்படுகிறது. உணவுக்கு பிறகு இரத்த சர்க்கரை அளவு குறைக்கும் தன்மை எலுமிச்சை இலைக்கு உண்டு.

​எலுமிச்சை இலையை எப்படி சேர்க்கலாம்?​

சாறு:

• 10-15 எலுமிச்சை இலைகளை நன்கு கழுவுங்கள்.
• இலைகளை அரைத்து, தேவையான அளவுக்கு நீர் சேர்க்கவும்.
• இந்த சாற்றை தினசரி ஒரு முறை குடிக்கவும். தேனுடன் கலந்து குடிக்கலாம்.

தினசரி உணவில் சேர்க்க: எலுமிச்சை இலைகளை கறி, சூப் மற்றும் சாலட்களில் சேர்த்து, சுவை மற்றும் சுகாதார நன்மைகளை பெறலாம்.

தண்ணீர்:

• எலுமிச்சை இலைகளை வெந்நீரில் இடுங்கள்.
• இதனை ஒரு நாள் முழுவதும் குடிக்கலாம். இது உடல் எடையை குறைக்க உதவும்.

​எலுமிச்சை இலை எடுக்கும் போது கவனிக்க வேண்டியவை​

♦ சிட்ரஸ் இலைகள் அப்படியே சேர்ப்பது கசப்பாக இருக்கும் என்றாலும் புதிதாக பயன்படுத்துவது நல்லது.

♦ எலுமிச்சை இலையின் மீது இராசயனம், பூச்சிக்கொல்லி பயன்படுத்தி இருக்க கூடாது.

♦ எலுமிச்சை இலை தேநீராக தயாரிக்கும் போது அதிக அளவு பயன்படுத்தக்கூடாது.

♦ சிறுநீரக நோயால் பாதிக்கப்பட்டவர்கள் எலுமிச்சை இலையை தவிர்க்க வேண்டும். இது நிலையை இன்னும் மோசமாக்கலாம்.

♦ சிலருக்கு எலுமிச்சை இலைகளுக்கான ஒவ்வாமை ஏற்படலாம். எனவே, புதிய சாற்றைப் பயன்படுத்துவதற்கு முன் சின்ன அளவில்தான் முயற்சிக்கவும்.

♦ எலுமிச்சை இலைகளைப் பயன்படுத்தும் முன், மருத்துவ ஆலோசனையைப் பெறுவது நல்லது

எலுமிச்சை இலை தேநீர் எப்போது குடிக்கலாம்?

• இரவு நேரங்களில் உணவுக்கு பிறகு குடிக்கலாம். இது செரிமானத்தை மேம்படுத்தும். ஆழ்ந்த தூக்கத்தை அளிக்கும்.

வாய் துர்நாற்றம் மறைய எலுமிச்சை இலை தேநீர் உதவுமா?

• எலுமிச்சை இலையை கொதிக்க வைத்து 2 மணி நேரம் வைத்திருந்து அந்த நீரால் வாய்கொப்பளித்தால் வாய் துர்நாற்றம் நீங்கும்.

உடல் எடை குறைய தினமும் எலுமிச்சை இலை பொடி சாப்பிடலாமா?

• ​எலுமிச்சை இலை தினசரி பயன்பாட்டுக்கு எடுப்பதாக இருந்தால் மருத்துவரின் அறிவுரையுடன் சேர்க்க வேண்டும்.

எலுமிச்சை இலை தோல் அழற்சிக்கு பயன்படுத்தலாமா?

• ​எலுமிச்சை இலை தோலில் அழற்சி, ஒவ்வாமை உண்டு செய்கிறதா என்பதை பரிசோதித்து பிறகு பயன்படுத்த வேண்டும்.