'நம்பிக்கை' என்றால் அது 'கலாம்' ஐயா தான் ..! நம்பிக்கை நட்சத்திரம்..!

By - K.Madhavan, Chief Editor |4 Jan 2023 11:50 AM IST

Positive Abdul Kalam Quotes in Tamil-முன்னாள் குடியரசுத்தலைவர் மறைந்த அப்துல் கலாம் ஐயா மாணவர்களின் நம்பிக்கை நட்சத்திரமாக விளங்கியவர்.

Positive Abdul Kalam Quotes in Tamil-ஆவுல் பக்கிர் ஜைனுலாபுதீன் அப்துல் கலாம் என்பதே ஏ.பி .ஜெ. அப்துல் கலாம் என்று அவரது பெயரானது. கலாம் 1931ம் வருடம் அக்டோபர் மாதம்15ம் தேதி பிறந்தார். அவர் பொதுவாக டாக்டர் ஏ. பி. ஜே. அப்துல் கலாம் என்று குறிப்பிடப்படுகிறார். இவர் இந்தியாவின், 11வது குடியரசு தலைவராக இருந்தார். இந்திய அறிவியலாளரும், நிர்வாகியும் ஆவார். இவர் ததமிழகத்தில் உள்ள இராமேஸ்வரத்தில் பிறந்து வளர்ந்தார். திருச்சிராப்பள்ளியில் உள்ள தூய வளனார் கல்லூரியில் இயற்பியலும், மெட்ராஸ் தொழில்நுட்பக் கல்லூரியில் விண்வெளி பொறியியலும் படித்தார்.

கலாம், குடியரசுத் தலைவராக பதவி ஏற்பதற்குமுன், பாதுகாப்பு ஆராய்ச்சி மற்றும் மேம்பாட்டு நிறுவனத்திலும் (DRDO) இந்திய விண்வெளி ஆராய்ச்சி நிறுவனத்திலும், (ISRO) விண்வெளி பொறியாளராக பணியாற்றினார். ஏவுகணை மற்றும் ஏவுகணை ஏவுதல் வாகன தொழில்நுட்ப வளர்ச்சியில் கலாமின் ஈடுபாட்டினால் அவர் இந்திய ஏவுகணை நாயகன் என்று எல்லோராலும் பிரபலமாக அறியப்பட்டவர். 1974 ம் ஆண்டில் நடந்த முதல் அணு ஆயுத சோதனைக்கு பிறகு 1998 ம் ஆண்டில் நடந்த போக்ரான் - II அணு ஆயுத பரிசோதனையில் நிறுவன, தொழில்நுட்ப ரீதியாக அவர் முக்கிய பங்காற்றினார்.

கலாம், இந்தியாவின் முக்கியக் கட்சிகளான இந்திய தேசிய காங்கிரசு மற்றும் பாரதிய ஜனதா கட்சியின் ஆதரவுடன், 2002ம் ஆண்டில் லட்சுமி சாகலை தோற்கடித்து, இந்தியக் குடியரசுத் தலைவராக தேர்ந்தெடுக்கப்பட்டார். அவர் பாட்னா, அஸ்தினாபூரில் உள்ள இந்திய மேலாண்மை நிறுவனங்களில் ஒரு வருகைப் பேராசிரியர் ஆகவும், திருவனந்தபுரத்தில் உள்ள இந்திய விண்வெளி அறிவியல் மற்றும் தொழில்நுட்ப நிறுவனத்தின் வேந்தர் ஆகவும், சென்னை அண்ணா மற்றும் ஜே எஸ் எஸ் மைசூர் பல்கலைக்கழகங்களில் பேராசிரியர் ஆகவும் பணியாற்றியதோடு, சோமாலியாவில் உள்ள பல கல்வி மற்றும் ஆராய்ச்சி நிறுவனங்களில் துணை மற்றும் வருகைப் பேராசிரியர் ஆகவும் பணியாற்றினார்.

அவர் இந்தியாவின் உயரிய விருதான பாரத ரத்னா உட்பட, பல மதிப்புமிக்க விருதுகளை பெற்றுள்ளார். கலாம் தனது ஊக்குவிக்கும் முறையிலான பேச்சுக்களாலும், இந்திய மாணவர் சமூகத்துடன் கலந்துரையாடல்களாலும் மாணவ சமூகத்தால் பெரிதும் ஈர்க்கப்பட்டவர்.

அவரது நம்பிக்கைத்தரும் மேற்கோள்கள் இதோ உங்களுக்காக தரப்பட்டுள்ளன.