நாசீசிஸ்ட் என்றால் என்னங்க..? அதுதாங்க 'ஆளுமைச் சிதைவு'..! படீங்க..!

நாசீசிஸ்ட் என்றால் என்னங்க..? அதுதாங்க ஆளுமைச்  சிதைவு..! படீங்க..!
Narcissus Meaning in Tamil -நாசீசிச ஆளுமைக் குறைபாடு என்பது பாதிப்பு உள்ளவருக்கே தெரியாத ஒன்றாக இருக்கும். பிறரைப்பற்றி சிறிதும் எண்ணாதவர்களாக இருப்பார்கள்.

Narcissus Meaning in Tamil -Narcissistic personality disorder என்பது நீண்ட காலமாக ஒருவருக்குள் நிகழக்கூடிய ஆளுமைச் சிதைவு ஆகும். இந்தக் குறைபாடு உள்ளவர்கள் தங்களின் சுய உணர்வுகளுக்கு அதிக முக்கியத்துவம் தருபவர்களாகவும், அதிகமாக பாராட்டுகளை விரும்புபவர்களாகவும், மற்றவர்களை புரிந்து கொள்ள முயற்சி செய்யாமலும் இருப்பார்கள்.

இதனால் பாதிக்கப்பட்டவர்கள் அதிகாரத்தைக் கைப்பற்றுவது பற்றியோ, வெற்றியை அடைவது பற்றியோ, அவர்களின் தோற்றத்தைப் பற்றியோ சிந்திப்பதில் நிறைய நேரம் செலவிடுவார்கள். அவர்கள் பெரும்பாலும் அவர்களைச் சுற்றியுள்ள மக்களைப் பயன்படுத்திக் கொள்ள விரும்புவார்கள். இந்த நடத்தை பொதுவாக ஒருவரின் இளமைக்காலத்தில் ஆரம்பித்து பல்வேறு சமூக சூழ்நிலைகளின் காரணமாக அது மோசமான வெளிப்பாடாக வெளிக்காட்டப்படுகிறது.


குறைபாட்டிற்கான காரணங்கள்

இந்த குறைபாட்டிற்கான காரணங்கள் இன்னும் கண்டறியப்படவில்லை. குறைபாடு உள்ளவராகக் கருதப்படும் நபரை மருத்துவ நிபுணர்கள் நேரடியாக பேசுவதன் மூலம் பாதிக்கப்பட்டுள்ளாரா என்பது கண்டறியப்படுகிறது. இதற்கான சிகிச்சைகளும் இதுவரை கண்டறியப்படவில்லை. இந்த குறைபாடு குறித்து இன்னும் நன்கு ஆய்வு செய்யப்படவில்லை.

குறைபாடு கொண்டிருக்கும் நபர்கள் தங்களிடம் ஒரு பிரச்னை இருப்பதாக உணராமல் இருப்பதால் சிகிச்சை அளிப்பது மிகவும் கடினமானதாக இருப்பதாக தெரிகிறது. சுமார் ஒரு சதவீத மக்கள் தங்கள் வாழ்க்கையில் ஏதேனும் ஒரு காலகட்டத்தில் இந்த குறைபாட்டால் பாதிக்கப்பட்டுள்ளனர். இது பெண்களை விட ஆண்களுக்கு மட்டுமே அடிக்கடி வெளிப்படுத்தப்படுகிறது. மேலும் இது முதியவர்களைவிட இளைஞர்களை அதிகம் பாதிக்கிறது. இந்த ஆளுமை குறைபாட்டினை 1925ம் ஆண்டு ராபர்ட் வேய்ல்டர் என்பவர் முதன் முதலில் கண்டறிந்து அதை விளக்கினார்.

அறிகுறிகள்

நாசீசிச ஆளுமைக் குறைபாட்டின் அறிகுறிகள், பாதிக்கப்பட்டவர்கள் தொடர்ந்து விறுவிறுப்புடன் செயல்படுவார்கள். தங்களுக்கு அதிக பாராட்டுகள் வேண்டும் என விரும்புவார்கள். அலட்சியமாக இருப்பார்கள். அதேபோல் மற்றவர்கள் மீது அனுதாபம் இல்லாதவர்களாகவும் இருப்பார்கள். இதனால் பாதிக்கப்பட்டவர்களிடம் அகந்தை வெளிப்படும். மற்றவர்களிடம் அதிகாரத்தையும் கட்டுப்பாட்டையும் செலுத்த முற்படுவார்கள். தன்னம்பிக்கைக் குணமும் நாசீசிச ஆளுமைக் குறைபாடும் வேறுபட்டது. இந்தக்குறைபாடு உள்ளவர்கள் மற்றவர்களுடைய உணர்ச்சிகளையும் விருப்பங்களையும் வெளிப்படையாகப் புறக்கணிப்பார்கள். அவர்களின் உண்மையான நிலை அல்லது சாதனைகளைப் பொருட்படுத்தாமல் தங்களை உயர்ந்ததாகக் கருதவேண்டும் என்று விரும்புவார்கள். நாசீசிச ஆளுமைக் குறைபாடு கொண்ட நபர் வழக்கமாக ஒரு அகங்காரம் உள்ளவராக இருப்பார். விமர்சனத்திற்கான சகிப்புத்தன்மை இல்லாதவராக இருப்பார். மேலும் மற்றவர்களைக் குறைத்து மதிப்பிடும் போக்கு (underestimating) ஆகியவற்றை வெளிப்படுத்துவார்.


காரணங்கள்

நாசீசிச ஆளுமைக் குறைபாட்டிற்கான காரணங்கள் எப்படித் தோன்றுகிறது? ஏன் இந்தப்பிரச்னை உருவாகிறது என்பது இன்னும் கண்டறியப்படவில்லை. வல்லுநர்களின் ஆய்வுப்படி சுற்றுச்சூழல், சமூக, மரபணு மற்றும் நரம்பியல் காரணிகளின் கலவையே இந்த ஆளுமைக் கோளாறை உருவாக்குவதாக நம்பப்படுகிறது.

நாசீசிஸ ஆளுமைக் குறைபாடு பாரம்பரியமாக இருக்கிறது என்பதற்கான சான்றுகள் உள்ளன. குடும்ப வரலாற்றில் இந்தக் குறைபாடு இருந்தால் அந்தக் குடும்பத்தில் உள்ள நபர்களுக்கு இந்தக் குறைபாடு உருவாகும் வாய்ப்பு அதிகமாக இருக்கும். சுற்றுச்சூழல் மற்றும் சமூகக் காரணிகளும் இந்தக் குறைபாடு ஏற்படுவதற்கான காரணமாக கருதப்படுகிறது.


சிகிச்சை

நாசீசிச ஆளுமைக் குறைபாட்டிற்காக மனநல மருத்துவ சிகிச்சையை விரும்பும் மக்கள் மிகவும் அரிதாகவே உள்ளனர். சிகிச்சைக்கு வரும் நோயாளிகளும் பொதுவாக மனத்தளர்ச்சி சீர்குலைவு, பொருள் பயன்பாடு சீர்குலைவுகள், இருமுனை சீர்குலைவு, உணவு சீர்குலைவுகள் போன்ற மற்ற பிரச்னைக்காகவே வருகிறார்கள். அல்லது உறவினர்கள் மற்றும் நண்பர்களின் வலியுறுத்தலின் பேரில் வருகிறார்கள். அவர்கள் பொதுவாக மோசமான நுண்ணறிவு பெற்றிருப்பதோடு அவர்களது கருத்துக்களையும் உணர்ந்துகொள்ளத் தவறி விடுகின்றனர்.

Narcissism என்ற சொல்லின் பொருள் விளக்கம்

பெயர்ச்சொல் : noun

நாசீசிஸம்

தற்பூசனை

தற்காத்தல்

தற்காத்தல் கோளாறு

சுய வழிபாடு

ஒரு திரவ, உலகளாவிய, பரவலான வழியில்

சொந்த தோற்றத்துடன் காதலில் விழுதல்

சுயநலம்

சுய அன்பு

விளக்கம் :

ஒருவருக்கு அவரின் உடல் அளவில் தோற்றத்தில் அதிக ஆர்வம் எடுத்துக்கொள்ளுதல் அல்லது தன்னைப் போற்றுதல்.சுயநலம், உரிமையின் உணர்வு, பச்சாதாபம் இல்லாமை, மற்றும் ஒரு ஆளுமை வகையை வகைப்படுத்துவதைப் போற்றுவதற்கான தேவை ஆகியவற்றை உள்ளடக்கியது.

மிக இளம் குழந்தைகளில் அல்லது மனநல கோளாறின் ஒரு அம்சமாக, வெளிப்புற பொருட்களிலிருந்து சுயத்தை வேறுபடுத்தத் தவறியதால் எழும் சுயநலத்தன்மை. ஒரு விதிவிலக்கான ஆர்வம் மற்றும் தன்னைப் போற்றுதல்


Narcissist

பெயர்ச்சொல் : noun

தன் நற்பண்புகளில் வெறி கொண்டவன்

Narcissistic

பெயரடை : adjective

நாசீசிஸ்டிக்

நாசீசிஸத்தில்

ஆகர்

அகநிலை



அடுத்த முக்கியமான செய்திகளை தெரிந்துகொள்ள: Click Here-1, Click Here-2

Tags

Next Story