தக் லைஃப் படம் எப்போது துவங்கும்?
கமல்ஹாசன் - மணிரத்னம் கூட்டணியின் தக் லைஃப் படத்தின் ஷூட்டிங் இந்த வாரமே துவங்க இருப்பதாக தகவல் வெளியாகியுள்ளது.
உலக நாயகன் கமல்ஹாசன் நடிப்பில், மணிரத்னம் இயக்கத்தில் உருவாகி வரும் தக் லைஃப் படத்தின் ஷூட்டிங் வரும் 22-ம் தேதி முதல் தொடங்குகிறது என்று தகவல்கள் வெளியாகியுள்ளன.
இந்தியன் 2, பிக் பாஸ் நிகழ்ச்சிகளில் பிஸியாக இருந்த கமல்ஹாசன், தற்போது இரண்டு படங்களின் படப்பிடிப்பும் முடிந்துவிட்டதால் தக் லைஃப் படத்தின் ஷூட்டிங்கில் கலந்துகொள்ள தயாராகிவிட்டார்.
தக் லைஃப் படத்தின் ஷூட்டிங் சென்னையில் தொடங்கும் என்றும், பின்னர் பல்வேறு லொக்கேஷன்களுக்கு செல்ல திட்டமிடப்பட்டுள்ளது என்றும் கூறப்படுகிறது. 22-ம் தேதி தொடங்கும் படப்பிடிப்பில் கமல்ஹாசன் மற்றும் த்ரிஷா ஆகியோர் பங்கேற்க உள்ளனர்.
அஜித்தின் விடாமுயற்சி படத்தில் நடித்து வரும் த்ரிஷா, தக் லைஃப் படப்பிடிப்புக்காக விரைவில் சென்னை வரவுள்ளார். தக் லைஃப் படத்தை செப்டம்பர் அல்லது அக்டோபர் இறுதிக்குள் முடித்துவிடவும் மணிரத்னம் மற்றும் கமலும் முடிவெடுத்துள்ளதாக சொல்லப்படுகிறது.
தக் லைஃப் படம் குறித்த தகவல்கள்
இந்தப் படத்தில் கமலுடன் ஜெயம் ரவி, துல்கர் சல்மான், ஜோஜு ஜார்ஜ், கெளதம் கார்த்திக் உள்ளிட்ட பலர் நடிக்கின்றனர். ஏஆர் ரஹ்மான் இசையமைக்கிறார்.
நாயகன் படத்துக்குப் பின்னர் மீண்டும் ஒரு கேங்ஸ்டர் ஜானர் மூவியில் கமல் - மணிரத்னம் கூட்டணி இணைவது குறிப்பிடத்தக்கது. இதனால் தக் லைஃப் படம் மீதான எதிர்பார்ப்பு அதிகரித்து வருகிறது.
தக் லைஃப் படத்தின் ஷூட்டிங் தொடங்குவது குறித்து கமல்ஹாசன் ரசிகர்கள் மகிழ்ச்சியடைந்துள்ளனர். படம் வெற்றிகரமாக அமையும் என்று வாழ்த்து தெரிவித்துள்ளனர்.
