தளபதி 68 இயக்குநர்கள் இவர்கள்தானாம்! ஆமா ரெண்டு பேர்..!
தளபதி 68 படத்தை சூப்பர் குட் ஃபிலிம்ஸ் தயாரிப்பது கிட்டத்தட்ட உறுதியாகியுள்ள நிலையில், இந்த படத்தை இரண்டு இயக்குநர்கள் எடுப்பார்கள் என்று தகவல் வெளியாகியுள்ளது. இதனால் ரசிகர்கள் மிகவும் குஷியாகியுள்ளனர்.
தளபதி 67 லியோ திரைப்படம் கிட்டத்தட்ட இறுதிக் கட்டத்தை எட்டி வருகிறது. 60 நாட்கள் படப்பிடிப்பு முடித்துக் கொண்டு காஷ்மீரிலிருந்து திரும்பி பின் சென்னையில் இன்னொரு 60 நாட்கள் படப்பிடிப்பை எடுத்துக் கொண்டிருக்கிறது லோகேஷ் கனகராஜ் டீம். இதனால் கூடிய விரைவில் படப்பிடிப்பு முடிந்து போஸ்ட் புரடொக்ஷன் பணிகள் துவங்கும் என்று எதிர்பார்க்கப்படுகிறது. | leo shooting location
இந்த படத்தை வரும் ஆயுத பூஜை நாளை முன்னிட்டு அக்டோபர் 19ம் தேதி வெளியிட திட்டமிட்டிருக்கிறார்கள். இதனைத் தொடர்ந்து விஜய் தனது அடுத்த படத்தில் நடிப்பார் எனக் கூறப்படுகிறது. அந்த படத்தை யார் தயாரிப்பார்கள் என்கிற பேச்சு இப்போதே அடிபடத் துவங்கிவிட்டது. | Leo movie update
சன் பிக்சர்ஸ், சூப்பர் குட் ஃபிலிம்ஸ், மைத்ரி மூவி மேக்கர்ஸ், தில் ராஜூ என பல தயாரிப்பு நிறுவனங்களும் விஜய் கால்ஷீட்டை பெற போட்டி போட்டுக்கொண்டிருக்கிறார்கள் என தகவல் வெளியாகியுள்ளது. ஆனால் முதலில் சூப்பர் குட் ஃபிலிம்ஸ் நிறுவனத்துக்கும் பின்னர் சன் பிக்சர்ஸ் நிறுவனத்துக்கும் படம் நடித்து கொடுக்க விஜய் திட்டமிட்டிருக்கிறார் என்று கூறப்படுகிறது. | Vijay 68 update Vijay 69 update Vijay super good films
முன்னதாக சூப்பர் குட் ஃபிலிம்ஸ் தயாரிப்பில் தளபதி விஜய் நடிக்கும் புதிய படத்தை இயக்க பிரபல தெலுங்கு இயக்குநர் கோபிசந்த் மலினேனி இயக்குவார் என்றும் தகவல் வெளியாகியிருந்தது. இந்நிலையில் தளபதி 68 படத்தை சூப்பர் குட் ஃபிலிம்ஸ்தான் தயாரிக்கிறது என்றாலும் இயக்குநர் கோபிசந்த் இல்லை என்று தெரியவந்துள்ளது. இதனால் விஜய் ரசிகர்கள் சற்று நிம்மதி அடைந்துள்ளனர். | vijay gopichand malineni
கோபிசந்த் படத்தில் விஜய் நடிக்கிறார் என தகவல் வெளிவந்த சமயத்தில் அய்யோ அவரா அவர் பயங்கரமான ஆளாச்சே அவர் மட்டும் வேண்டாம் தளபதி என ரசிகர்கள் விஜய்யிடம் சமூக வலைத்தளங்களில் வேண்டுகோள் விடுத்ததை காண முடிந்தது. இதனால் அவர் இல்லை என தெரிந்து கொஞ்சம் மகிழ்ச்சியடைந்துள்ளனர். | Vijay Atlee thalapathy 68
தளபதி 68 கோபிசந்த் இல்லை எனத் தெரிந்ததும் அப்போ கண்டிப்பா அட்லீதான் என ரசிகர்களில் சிலர் பேசிவந்தனர். ஆனால் அட்லீயும் இந்த படத்தை இயக்கவில்லை என்பது தற்போது தெரியவந்துள்ளது. இதனிடையே தளபதி விஜய்யின் அடுத்த படத்தை யார் இயக்கப்போகிறார் என்பதை அறிந்து கொள்ள ரசிகர்கள் ஆர்வத்துடன் காத்திருக்கின்றனர். | Vijay pushkar gayathri
இந்நிலையில்தான் இந்த படத்தை விக்ரம் வேதா புகழ் புஷ்கர், காயத்ரி இருவரும் இயக்கவுள்ளதாக தகவல் வெளியாகியுள்ளது. விக்ரம் வேதா படத்துக்கு பிறகு புஷ்கர், காயத்ரி ஆகிய இருவரும் சுழல் மற்றும் வதந்தி ஆகிய இரு வெப் சீரிஸ்களை இயக்கினர். அதுவும் மிகப் பெரிய வெற்றியை பெற்ற நிலையில், இப்போது விஜய் பட வாய்ப்பு கிடைத்துள்ளது. எனினும் இதுகுறித்த அதிகாரப்பூர்வ தகவல் எதுவும் வெளியாகவில்லை.
