சூர்யாவுடன் கைக்கோர்க்கும் அயலான் இயக்குநர்...!

அறிவியல் கலந்த அதிரடி மீண்டும் நிகழ இருக்கிறது. சூர்யா-ஆர்.ரவிக்குமார் கூட்டணி உறுதி செய்யப்படவுள்ளது. ஏற்கனவே சூர்யா நடிப்பில் விக்ரம் குமார் இயக்கிய 24 எனும் அறிவியல் புனைவு கதை மிகப் பெரிய வெற்றியைப் பெற்றது. இந்நிலையில் இன்று நேற்று நாளை, அயலான் படங்களை இயக்கிய ஆர். ரவிக்குமார் இயக்கத்தில் புதிய அறிவியல் புனைவு கதையில் இணைகிறார்.

சமூக அக்கறையுள்ள படங்களில் நடித்து புகழ்பெற்ற நடிகர் சூர்யாவின் அடுத்த திரைப்படம் குறித்து திரையுலக வட்டாரங்களில் பரபரப்பான பேச்சு நிலவி வருகிறது. 'கங்குவா', 'சூர்யா 43' படங்களை அடுத்தடுத்து முடிக்கத் தயாராகும் சூர்யாவின் ரசிகர்கள், புதிய பட அறிவிப்பை ஆவலுடன் எதிர்பார்த்திருக்கின்றனர். இந்நிலையில், பிரமாண்ட பட்ஜெட்டில் உருவாக இருக்கும் அறிவியல் புனைவுப் படத்தில் சூர்யா இயக்குனர் ஆர். ரவிக்குமாரின் இயக்கத்தில் நடிக்க உறுதி செய்துள்ளார் என்ற தகவல் திரையுலகை அதிர வைத்துள்ளது.

'அயலான்' பட வெற்றிக்குப் பிறகு இணையும் கூட்டணி

ஆர்.ரவிக்குமார் இயக்கத்தில் சிவகார்த்திகேயன் நடித்த 'அயலான்' திரைப்படம் சில விமர்சனங்களைச் சந்தித்தாலும், கமர்ஷியல் ரீதியாக வெற்றி பெற்றது. அதற்கு முன்னதாகவே சூர்யா மற்றும் ஆர். ரவிக்குமார் கூட்டணி இணைய வேண்டியது. ஆனால் படம் வெளியாகாத நிலையில், சூர்யா வேறு வேறு படங்களில் கமிட் ஆகிக் கொண்டிருந்தார்.

இந்நிலையில், நீண்ட இடைவெளிக்குப் பிறகு இந்தக் கூட்டணி உருவாகிறது. தற்போது அறிவியல் கலந்த அதிரடி திரைப்படத்தில் இணையவிருக்கும் இந்தக் கூட்டணி குறித்த எதிர்பார்ப்பு ரசிகர்களிடம் உச்சம் தொட்டுள்ளது. ஹாலிவுட் லெவலில் காட்சிகள் இருக்கும் என்று எதிர்பார்க்கப்படுகிறது.

டிரீம் வாரியர் பிக்சர்ஸ் தயாரிப்பு

இந்த முறை சூர்யா - ஆர்.ரவிக்குமார் கூட்டணி திரைப்படத்தைத் தயாரிக்க இருப்பது பிரம்மாண்டத் தயாரிப்புகளுக்கென பெயர்போன டிரீம் வாரியர் பிக்சர்ஸ் நிறுவனம். அண்மைக் காலங்களில் 'கைதி,' 'மாநகரம்' போன்ற வித்தியாசமான வெற்றிப்படங்களைத் தயாரித்த டிரீம் வாரியர் பிக்சர்ஸ் நிறுவனம், சூர்யாவுடன் இரண்டாவது முறையாக இணைந்துள்ளது.

ஏப்ரலில் படப்பிடிப்பு துவக்கம்

ஏற்கனவே சுதா கொங்கரா படத்தில் இணைய இறுப்பதாக கூறப்பட்ட நிலையில், சூர்யா ரவிக்குமார் படம் முதலில் ஆரம்பிக்கும் என்றும் தகவல்கள் வருகின்றன. ரவிக்குமார் படத்தின் முன் தயாரிப்புப் பணிகள் விறுவிறுப்பாக நடைபெற்றுவருவதாகக் கூறப்படுகிறது. படப்பிடிப்பு ஏப்ரல் மாதம் தொடங்க உள்ளது. இதற்கான அதிகாரப்பூர்வ அறிவிப்பு விரைவில் வெளிவரும் என எதிர்பார்க்கப்படுகிறது.

அதிகாரப்பூர்வ தகவல்கள் வெளிவந்தால்தான் இதன் உண்மைத் தன்மை குறித்து தெரியவரும்.

சிவகார்த்திகேயனுடன் மீண்டும் இணைய வாய்ப்பு

'அயலான்' படத்திற்குப் பிறகு மீண்டும் ஒரு பிரமாண்டமான அறிவியல் புனைவு கதையில் இயக்குனர் ஆர்.ரவிக்குமார் களமிறங்க உள்ளார். அதேவேளையில், இப்படத்திற்குப் பிறகு ஆர்.ரவிக்குமார் மீண்டும் நடிகர் சிவகார்த்திகேயனுடன் இணையவிருப்பதாகவும் தகவல்கள் தெரிவிக்கின்றன. இந்தப் படம் குறித்த அதிகாரப்பூர்வ அறிவிப்புகள் விரைவில் வெளிவரும் என்ற எதிர்பார்ப்பு அதிகரித்துள்ளது.

வித்தியாசமான கதைக்களம்

சூர்யா-ஆர்.ரவிக்குமார் கூட்டணியில் உருவாகும் இந்தப் படம் அறிவியல் புனைவு பாணியில் உருவாகவிருக்கிறது. காலப் பயணம், அமானுஷ்ய சக்திகள் ஆகியவற்றை மையமாகக் கொண்ட கதைக்களமாக இப்படம் இருக்க வாய்ப்புள்ளதாக திரை வட்டாரங்கள் தெரிவிக்கின்றன. இப்படத்தின் மூலம் சூர்யா முற்றிலும் புதிய களத்தில் நடிக்கிறார் என ரசிகர்கள் உற்சாகத்தில் உள்ளனர்.

'கங்குவா' முடிந்து, 'சூர்யா 43'-இல் கவனம்

சிறுத்தை சிவா இயக்கத்தில் சூர்யா நடித்துள்ள 'கங்குவா' திரைப்படத்தின் டப்பிங் பணிகள் தொடங்கியுள்ளன. இப்படத்தின் பணிகள் நிறைவடைந்ததும், சூதா கொங்கரா இயக்கத்தில் 'சூர்யா 43' திரைப்படத்தில் சூர்யா நடிப்பார். அந்தப் படத்தின் பணிகளுக்கு நடுவே, ஒரு சிறிய இடைவெளி கிடைக்கும்போது, சூர்யா ஆர்.ரவிக்குமார் இயக்கும் படத்தில் நடிப்பார் எனக் கூறப்படுகிறது.

பாலிவுட்டிலும் சூர்யா கவனம்

ஏற்கனவே பாலிவுட்டில் சிறப்புத் தோற்றத்தில் நடித்துள்ள சூர்யா, அடுத்ததாக முழு நீள பாலிவுட் படத்திலும் நடிக்க இருக்கிறார். விரைவில், அதுகுறித்த அதிகாரப்பூர்வ அறிவிப்பு வெளிவரும் எனத் தெரிகிறது. சூர்யா படங்களின் மீதான எதிர்பார்ப்பு திரையுலகமெங்கும் உச்சம் தொட்டுள்ளது.